ప్రభుత్వ నిర్ణయంపై స్పందించిన అమరరాజా గ్రూప్

2010 సంవత్సరంలో అప్పటి రాష్ట్ర ప్రభుత్వం అమరరాజా గ్రూప్‌కు చిత్తూరు జిల్లాలో దాదాపుగా 483 ఎకరాల భూమిని పరిశ్రమల అభివృద్ది కోసం కేటాయించడం జరిగింది. అయితే తాజాగా ఆ భూమిలో కొంత భాగంగాను వెనక్కు తీసుకునేందుకు ప్రభుత్వం జీవో జారీ చేసినట్లుగా వార్తలు వస్తున్నాయి. తాజాగా ఆ వార్తలపై అమరరాజా గ్రూప్‌ ప్రతినిధులు పత్రిక ప్రకటన విడుదల చేసి మరీ స్పందించారు. ఈ సందర్బంగా వారు ప్రజలకు తాము చేస్తున్న మంచి గురించి వివరించే ప్రయత్నం చేశారు.

ప్రెస్‌ నోట్‌లో… జీవో గురించి మీడియాలో మరియు సోషల్‌ మీడియాలో మాత్రమే చూడటం జరిగింది. ఈ విషయమై మాకు అధికారికంగా ఎలాంటి సమాచారం అయితే అందలేదు. అమరరాజా గ్రూప్‌ను చిత్తూరు జిల్లాలో ప్రారంభించిప్పటి నుండి స్థానికులకు పెద్ద ఎత్తున ఉపాది కల్పించాం. ప్రజల జీవన ప్రమాణాలను పెంపొందించేందుకు తీవ్రంగా కృషి చేస్తూనే ఉన్నాం. మేము నిబంధనలకు ప్రాముఖ్యత ఇస్తూ ముందుకు వెళ్తున్నాం. ఇందులో ఎలాంటి అక్రమాలు లేవు. మా సంస్థ నీతి నిజాయితీతో ముందుకు సాగుతుందని ఈ సందర్బంగా పేర్కొన్నారు.