ఎక్స్ క్లూజివ్: ఇంత కంగారుగా అల్లు అర్జున్ – కొరటాల శివ ప్రాజెక్ట్ ఎందుకు అనౌన్స్ చేసినట్లు?

స్టైలిష్ స్టార్ అల్లు అర్జున్ అల వైకుంఠపురములో చిత్రంతో భారీ హిట్ అందుకున్న తర్వాత సుకుమార్ దర్శకత్వంలో పుష్ప చిత్రం చేయడానికి ఫిక్స్ అయిన సంగతి తెల్సిందే. ఈ సినిమా షూటింగ్ ఎప్పుడో మొదలుకావాల్సి ఉంది. అయితే కరోనా వైరస్ కారణంగా ఇంకా ప్రాజెక్ట్ పట్టాలెక్కలేదు. ఇక మరోవైపు కొరటాల శివ ప్రస్తుతం చిరంజీవితో ఆచార్య సినిమా చేస్తున్నాడు. ఈ చిత్రం లాక్ డౌన్ కు ముందు 30 శాతం షూటింగ్ ను పూర్తి చేసుకుంది. ఈ ఇద్దరి ప్రాజెక్టులు పూర్తవ్వడానికి కనీసం ఏడాది సమయం పడుతుంది. మరి ఈలోగా ఇంత కంగారుగా అల్లు అర్జున్ – కొరటాల శివ కాంబినేషన్ లో సినిమా ఎందుకు అనౌన్స్ చేసినట్లు?

వివరాల్లోకి వెళితే.. ఈ ప్రాజెక్ట్ అనౌన్స్మెంట్ వెనకాల అల్లు అర్జున్ ఉన్నట్లు తెలుస్తోంది. ప్రస్తుతం కొరటాల శివ ఫుల్ ఫామ్ లో ఉన్నాడు. వరస హిట్లు సాధించడమే కాకుండా వాటికి మంచి పేర్లు కూడా వస్తున్నాయి. ఆచార్య తర్వాత ఎన్టీఆర్, ప్రభాస్ లతో కొరటాల శివకు కమిట్మెంట్లు ఉన్నాయి. అయితే అల్లు అర్జున్ కొరటాల శివతో పనిచేసే అవకాశాన్ని వదులుకోవాలనుకోలేదు. ఎన్టీఆర్, ప్రభాస్ ఫ్రీ అవ్వడానికి ఏడాదిన్నరపైన పడుతుంది. సో ఈలోగా మనం కలిసి పనిచేద్దామని అల్లు అర్జున్ శివకు ప్రపోజల్ పెట్టాడట. దానికి దర్శకుడు కూడా అంగీకరించడంతో ప్రాజెక్ట్ పట్టాలెక్కినట్లు సమాచారం.

మరోవైపు కథ కూడా వినకుండా అల్లు అర్జున్ ప్రాజెక్ట్ ను అనౌన్స్ చేసినట్లు వచ్చిన వార్తల్లో కూడా నిజం లేదట. అల్లు అరవింద్ పూర్తిగా కథ విని నచ్చాకే అల్లు అర్జున్ కు దాన్ని పంపడం, బన్నీకు కూడా కథ పూర్తిగా నచ్చడంతో ప్రాజెక్ట్ అనౌన్స్మెంట్ జరిగింది.