కర్నూలు జిల్లాలో బలమైన భూమా కుటుంబానికి చెందిన మాజీ మంత్రి అఖిలప్రియ కాషాయ పార్టీ వైపు చూస్తున్నారా? అధికార పార్టీ అండ లేని ప్రస్తుత పరిస్థితుల్లో బీజేపీ అయితే బెటరని భావిస్తున్నారా? జరుగుతున్న పరిణామాలు చూస్తుంటే ఔననే అనిపిస్తోంది. ఆమె శనివారం కేంద్ర హోంశాఖ సహాయమంత్రి కిషన్ రెడ్డిని కలిసి పలు సమస్యలపై వినతిపత్రం సమర్పించారు. జిల్లాలో రాజకీయంగా దాడులు జరుగుతున్నాయని, ఫ్యాక్షన్ గ్రామాల్లో పరిస్థితులు చక్కదిద్దాలని అందులో కోరారు.
అయితే, వాస్తవానికి ఆమె కిషన్ రెడ్డితో సమావేశమైన అజెండా వేరని, బీజేపీలో చేరడానికి అఖిలప్రియ ఆసక్తి కనబరుస్తున్నారని సమాచారం. కేంద్రంలో అధికారంలో ఉన్న బీజేపీలో చేరితే రాజకీయంగా మంచిదనే అభిప్రాయంతో ఈ మేరకు నిర్ణయం తీసుకున్నట్టు తెలుస్తోంది. 2014 ఎన్నికల్లో భూమా శోభా నాగిరెడ్డి మరణంతో ఆళ్లగడ్డకు జరిగిన ఉప ఎన్నికల్లో వైఎస్సార్ కాంగ్రెస్ పార్టీ నుంచి అఖిల గెలుపొందారు. అనంతరం తండ్రి భూమా నాగిరెడ్డితో కలిసి టీడీపీ తీర్థం పుచ్చుకున్నారు. తర్వాత కాలంలో నాగిరెడ్డి హఠాన్మరణం చెందారు.
దీంతో పెద్ద దిక్కు కోల్పోయిన అఖిలకు చంద్రబాబు కేబినెట్ లో మంత్రి పదవి లభించింది. మంత్రి అయిన తర్వాత అఖిల ప్రియ దూకుడుగా వ్యవహరించారు. వైఎస్సార్ సీపీ అధినేత వైఎస్ జగన్ మోహన్ రెడ్డిని లక్ష్యంగా చేసుకుని విమర్శలు గుప్పించారు. జిల్లాలో రాజకీయంగా పట్టు సంపాదించడానికి ప్రయత్నాలు చేశారు. నంద్యాల ఉప ఎన్నికల్లో టీడీపీ విజయానికి తీవ్రంగా కృషి చేసి విజయం సాధించారు. అయితే, 2019లో టీడీపీ అధికారం కోల్పోవడంతోపాటు అఖిల కూడా ఓటమి పాలయ్యారు. ఈ క్రమంలో రాజకీయంగా ఆమె పరిస్థితి ప్రశ్నార్థకంగా మారింది.
దీంతో ఆమె మళ్లీ వైఎస్సార్ సీపీ గూటికి చేరుకుందామని భావించినట్టు వార్తొలొచ్చాయి. కానీ, అందుకు అధికార పార్టీ నుంచి ఎలాంటి సానుకూలత రాలేదు. ఈ నేపథ్యంలో తన రాజకీయ జీవితానికి ఎలాంటి ఆటంకాలూ కలగకుండా ఉండాలంటే కమలం గూటికి చేరడమే మంచిదని అఖిల నిర్ణయానికి వచ్చినట్టు చెబుతున్నారు. పైగా బీజేపీ సైతం ఏపీలో కీలక నేతల కోసం ప్రయత్నాలు చేస్తోంది. మొత్తమ్మీద త్వరలోనే అఖిలప్రియ కాషాయ తీర్థం పుచ్చుకోవడం ఖాయమనే ప్రచారం జరుగుతోంది.
795402 313753I love what you guys are up too. Such clever work and exposure! Maintain up the very good works guys Ive incorporated you guys to my own blogroll. 417976
211077 18226A domain name is an identification label which defines a realm of administrative autonomy, authority, or control inside the Internet. Domain names are also critica for domain hostingwebsite hosting 298277
314209 799542I like this internet internet site because so considerably utile stuff on here : D. 151079