ఎన్నికలు అయిపోయాయ్. ఇకపై మేమంతా ఒక్కటే.. అని ‘మా’ కొత్త అధ్యక్షడు మంచు విష్ణు చెప్పాడు. చెప్పాకా మాట మీద నిలబడాలా.? వద్దా.? ‘మా’ ప్యానెల్ నుంచి ఇకపై ఎవరూ మీడియా ముందుకొచ్చి అదీ ఇదీ మాట్లాడరు.. ఇది కూడా మంచు విష్ణు చెప్పిన మాటే. కానీ, ‘మా’ (మూవీ ఆర్టిస్ట్ అసోసియేషన్) ఎన్నికల్లో గెలిచిన మంచు విష్ణు ప్యానెల్ తిరుపతి వెళ్లింది. మీడియా ముందుకొచ్చింది. ఏంటిదంతా.? ఎందుకీ పబ్లిసిటీ తంటా.?
‘మా’ రచ్చ ఇంకా కొనసాగుతూనే ఉంది. ఇంకెన్నాళ్లీ గోల.? ఎవరి కోసం ఈ గోల.? ఎందుకోసం ఈ గోల.? సామాన్యుడికి ఈ గోలతో కాస్తయినా సంబంధం ఉందా.? అస్సలు లేదు. సెలబ్రిటీలైనంత మాత్రాన మీడియా గొట్టాలు మరీ ఎగేసుకుంటూ వాళ్ల దగ్గరికి వెళ్లిపోవాలా.? తెర వెనుక ఏం జరుగుతోంది.?
గత కొంత కాలంగా ‘మా’ ఎన్నికల చుట్టూ మీడియా, రాజకీయ వర్గాల్లోనూ, సినీ, సోషల్ మీడియా వర్గాల్లోనూ ఆసక్తికరమైన చర్చలు నడుస్తున్నాయ్. అసెంబ్లీ, పార్లమెంట్ ఎన్నికల్లో గెలుపు కోసం ఖర్చు చేసినట్లు.. వ్యూహాలు పన్నినట్లు.. బెదిరింపులకు దిగినట్లు, ప్రలోభాలకు పాల్పడినట్లు.. ఈ మా ఎన్నికల కోసం కూడా పెద్ద తతంగమే నడిచిందన్నది ఆ చర్చల సారాంశం.
ప్రతిరోజూ పెట్రో ధరలు మండిపోతున్నాయ్. రాష్ర్టాలూ, దేశం అప్పుల పాలైపోతున్నాయ్. సామాన్యుడి బతుకు సర్వనాశనమయిపోతోంది. అత్యాచారాలు, హత్యలు, ప్రమాదాలు.. ఎడా పెడా జరుగుతున్నాయ్. ఇవేవీ మీడియాకు పట్టడం లేదు.
హుజూరాబాద్, బద్వేలు ఉప ఎన్నికల చుట్టూ కూడా ఇంత యాగీ జరగడం లేదు. మీడియా ఈ ఉప ఎన్నికల కంటే, ‘మా’ రచ్చ మీదే ఎక్కువ ఫోకస్ పెట్టడానికి కారణమేంటీ.? తమ సినిమా ప్రమోషన్ల కోసం మీడియాకి నిర్మాతలు పేమెంట్లు చేయడం మామూలే. అలాంటి కథేమన్నా ‘మా’ ఎన్నికల చుట్టూ నడిచిందా.? ఒకవేళ అదే నిజమైతే ఆ ప్యాకేజీ ఎంత కాలానికి కుదిరింది.? ఇదో డౌటు.
బైలాస్ మార్చేయడం, సభ్యుల్ని తీసేయడం లాంటి ఆలోచనలేవో ఎవరి మదిలోంచో పుట్టుకొచ్చినట్లున్నాయ్. అవన్నీ జరిగే వ్యవహారాలేనా.? జరుగుతాయో.? లేదో.? ఎవర్నో భయపెట్టడానికి ఇలాంటి ప్రకటనలు వస్తున్నాయ్. వీటి వల్ల పరిశ్రమలో సఖ్యత చెడిపోతుంది. చూస్తుంటే, సినీ పరిశ్రమ వినాశనం కోసమే ఈ సారి ‘మా’ ఎన్నికలు వచ్చాయా.? అన్న అనుమానమైతే సగటు సినీ అభిమానికి కలుగుతోంది.
అన్నట్టు, తిరుపతికి వెళ్ళారు.. సిని‘మా’ రాజకీయాలు మాట్లాడారు.. అట్నుంచటే అమెరికా వెళ్ళి ఓ పాలి అక్కడా ప్రెస్ మీట్ పెట్టేస్తే పోలా.? అని మంచు విష్ణు అండ్ టీమ్పై సెటైర్లేస్తున్నారు నెటిజన్లు.
786164 466869I like this post, enjoyed this one regards for posting . 354604
155203 662937Really clear site , regards for this post. 967017
421146 979250You can surely see your enthusiasm within the work you write. The world hopes for much more passionate writers like you who arent afraid to say how they believe. Always go after your heart. 926539