మూవీ ఆర్టిస్ట్స్ అసోసియేషన్లో ప్రక్షాళనకు శ్రీకారం చుడుతున్నాడట తాజా అధ్యక్షుడు మంచు విష్ణు. ఈ విషయాన్ని మంచు విష్ణు తాజాగా వెల్లడించాడు. ఓ జర్నలిస్టు, డబ్బింగ్ సినిమాలు నిర్మించి, అందులో ఓ పాటలో నటించి, ఆ తర్వాత నటుడిగా ‘మా’లో సభ్యత్వం పొంది, ‘మా’ని భ్రష్టు పట్టించేశాడన్నది మంచు విష్ణు ఆరోపణ.
ఇంతకీ ఎవరా జర్నలిస్టు.? ఈ విషయమై భిన్న వాదనలు వినిపిస్తున్నాయి. అయితే, అందరి కళ్ళూ ఓ వ్యక్తి మీదనే వున్నాయి. ఆ జర్నలిస్టు, ఓ సినీ పత్రికను కూడా నడుపుతున్నాడు. పలు సినిమాల్ని నిర్మించడమే కాక, సినిమాల్లో నటిస్తున్నాడు కూడా. ఈ మధ్యనే జరిగిన ‘మా’ ఎన్నికల్లో ఈసీ మెంబర్గా గెలిచాడని కూడా అంటున్నారు.
నిజానికి, ప్రక్షాళన అంత తేలిక కాదు. కానీ, ‘మా’ బైలాస్ మార్చబోతున్నామని చెబుతున్న మంచు విష్ణు, ‘వివిధ భాషల్లో వున్న అసోసియేషన్ల తాలూకు బై లాస్ గురించి అధ్యయనం చేస్తాం. ఆ తర్వాత ఓ నిర్ణయానికి వస్తాం. ఆ నిర్ణయం గురించి సినీ పెద్దలతో చర్చిస్తాం. ఆ తర్వాత నిర్ణయాన్ని అమలు చేస్తాం..’ అని మంచు విష్ణు వెల్లడించాడు.
సో, ‘మా’ సభ్యుల సంఖ్య గణనీయంగా తగ్గబోతోందట. ఎవరైతే తమకు వ్యతిరేకంగా పనిచేస్తున్నారో వాళ్ళందర్నీ ఏదో ఒక కారణం చూపి ‘మా’ నుంచి తప్పించేసి, ‘మా’ని తమ సొంత సంస్థగా మార్చేయాలని మంచు విష్ణు టీమ్ భావిస్తోందా.? అన్న అనుమానాలు బలంగా వినిపిస్తున్నాయి.
ఇదిలా వుంటే, అలయ్ బలయ్ కార్యక్రమంలో పవన్ కళ్యాణ్ – మంచు విష్ణు మధ్య మాటల్లేవ్.. అంటూ జరుగుతున్న ప్రచారంపై మంచు విష్ణు వివరణ ఇచ్చాడు. ‘పవన్ కళ్యాణ్ మాకు ఫ్యామిలీ ఫ్రెండ్. మేం చాలా విషయాలు మాట్లాడుకున్నాం..’ అని సెలవిచ్చాడు విష్ణు. అదే నిజమైతే, అక్కడున్న బోల్డన్ని కెమెరాలకు ఒక్క స్నాప్ కూడా దొరకదా.?
మరోపక్క, మంచు విష్ణు చేతిలో ఓడిపోయిన ప్రకాష్ రాజ్.. ‘మా’ ఎన్నికల కోసం పోలింగ్ జరిగిన రోజున చోటు చేసుకున్న పరిణామాలకు సంబంధించి సీసీటీవీ ఫుటేజ్ పరిశీలించడం గమనార్హం. మంచు విష్ణు మీద తనకేమీ వేరే భావన లేదనీ, ఎన్నికల అధికారి మీదనే తనకు అనుమానాలున్నాయనీ ప్రకాష్ రాజ్ పేర్కొనడం గమనార్హం.
కొసమెరుపేంటంటే, చిరంజీవి – మోహన్ బాబు ఫోన్లో మాట్లాడుకున్నారని మంచు విష్ణు చెప్పడం. బహుశా చిరంజీవి చేతికి ఆపరేషన్ జరిగిన దరిమిలా, మోహన్ బాబు పరామర్శించి వుంటారంతే.. అంతకు మించి, చిరంజీవి మీద అంత మమకారం మోహన్ బాబుకి వుందని అనుకోలేం.. ఆయనకు ఆ మమకారం వుండి వుంటే సందర్భం లేకుండా చిరంజీవిని మోహన్ బాబు వివాదాల్లోకి లాగరన్నది మెగాభిమానుల వాదన.
971738 996906Respect to site author , some very good selective info . 546498
142209 427757Of course like your website but you want to check the spelling on several of your posts. Several of them are rife with spelling difficulties and I find it quite bothersome to tell the truth nevertheless Ill certainly come back once more. 483356