మరోసారి తన గొప్ప మనసును చాటుకున్న అల్లు అర్జున్

ఐకాన్ స్టార్ అల్లు అర్జున్ తన గొప్ప మనసును మరోసారి చాటుకున్నాడు. ఎప్పుడూ ఎదుటి వారికి సహాయం చేయడానికి ముందుండే బన్నీ చేసిన సహాయం అందరినీ ఇంప్రెస్ చేసింది. ప్రస్తుతం బన్నీ రంపచోడవరం ఏజెన్సీ ప్రాంతంలో షూటింగ్ చేస్తోన్న విషయం తెల్సిందే.

బన్నీ ఒక కాకా హోటల్ వద్ద ఆగి ఉదయం టిఫిన్ చేసిన వీడియో హల్చల్ చేసింది. ఇప్పుడు తెల్సిన విషయం ఏంటంటే అల్లు అర్జున్ ఫుడ్ బిల్ కంటే చాలా ఎక్కువే ఆ హోటల్ ఓనర్ కు ఇచ్చాడట. అంతే కాకుండా హైదరాబాద్ వచ్చేయమని తనకు మంచి ఉద్యోగం ఇప్పిస్తానని చెప్పినట్లు తెలుస్తోంది.

ఈ విషయం బయటకు రావడంతో అల్లు అర్జున్ ఫ్యాన్స్ చాలా సంతోషంగా ఉన్నారు. పుష్ప చిత్రం మొదటి భాగం చిత్రీకరణ చివరి దశకు చేరుకుంది. ఈ డిసెంబర్ లో పుష్ప ది రైజ్ విడుదలయ్యే అవకాశాలు ఉన్నాయి.