సెకండ్‌ వేవ్ తర్వాత ధైర్యం చేసి వస్తున్న మరో యంగ్ హీరో కిరణ్ అబ్బవరం. పాటలకు మంచి స్పందన రావడంతో పాటు ట్రైలర్ మరియు టీజర్ పోస్టర్ లు సినిమాపై అంచనాలు పెంచే విధంగా ఉన్నాయి. కనుక ఈ సినిమా తప్పకుండా విజయాన్ని సొంతం చేసుకుంటుందనే నమ్మకంను ఇండస్ట్రీ వర్గాల వారు వ్యక్తం చేశారు. కిరణ్ కూడా చాలా నమ్మంతో కనిపించాడు. మరి సినిమా ఎలా ఉందో చూద్దాం రండీ.
కథ
ధర్మ(సాయి కుమార్) ఆస్తులను అన్నింటిన పోగొట్టి కుటుంబం ఇబ్బందులు ఎదుర్కొనేలా చేస్తాడు. గ్రామంలో ధర్మ కుటుంబంను అంతా చిన్న చూపు చూస్తూ ఉంటారు. ధర్మ తనయుడు కళ్యాణ్ (కిరణ్) కాలేజ్ కు వెళ్తూ స్నేహితులతో ఎంజాయ్‌ చేస్తూ ఉంటాడు. తండ్రి కొడుకులకు ఎప్పుడు పడదు. ఇద్దరి మద్య సమస్య ఏంటీ.. ఇద్దరి జీవితంలో జరిగే అనూహ్య పరిణామాలు ఏంటీ అనేది కథ.
తెర మీద స్టార్స్‌
రాజా వారు రాణి గారు సినిమాలో పక్కింటి అబ్బాయి తరహాలో కనిపించిన కిరణ్ ఈ సినిమాలో మాత్రం మాస్ ఎలిమెంట్స్ తో నిండిన పాత్రను చేశాడు. యాక్టింగ్‌ పరంగా మంచి ప్రతిభను కనబర్చాడు. కాని మాస్ ఎలిమెంట్స్ ను పాత్రలో చూపించే విధానం మాత్రం ఆకట్టుకోలేదు. హీరోగా మాస్ ప్రేక్షకులను ఎంటర్ టైన్ చేసేందుకు ఇంకాస్త హార్డ్‌ వర్క్‌ చేయాలి. సాయి కుమార్ అద్బుతమైన నటనతో ఆకట్టుకున్నాడు. సినిమాలో కనిపించిన ఇతరులు వారి పాత్రల పరిధిలో నటించారు.
తెర వెనుక టాలెంట్
దర్శకుడు శ్రీధర్ గాదె కథను ఆకట్టుకునే విధంగా తెరకెక్కించేందుకు ప్రయత్నం చేశాడు. కిరణ్ అబ్బవరపు అందించిన స్టోరీ లైన్‌ పర్వాలేదు కాని స్క్రీన్‌ ప్లే విషయంలో ఇంకాస్త బెటర్‌ గా రాసుకుని ఉండాల్సింది. హీరో పాత్రకు కాస్త ఓవర్‌ డోస్‌ మాస్ ఎలిమెంట్స్ ను జొప్పించే ప్రయత్నం చేశారు. సినిమా ఎమోషన్‌ అయినా కాని ఇంకా ఎంటర్ టైన్ మెంట్‌ అయినా కాని కంటిన్యూగా లేకపోవడంతో ప్రేక్షకులు బోర్‌ ఫీల్‌ అవుతారు. సినిమాలోని పాటలు బాగానే ఉన్నాయి. బ్యాక్ గ్రౌండ్‌ స్కోర్‌ మాత్రం ఒక మోస్తరులో ఉంది. సినిమాటోగ్రఫీ పర్వాలేదు.
విజిల్ మోమెంట్స్
- సాయి కుమార్ మరియు కిరణ్ ల నటన,
- కామెడీ సన్నివేశాలు
బోరింగ్ మోమెంట్స్
- మాస్ ఎలిమెంట్స్,
- స్క్రీన్‌ ప్లే,
- సెకండ్‌ హాఫ్.
విశ్లేషణ:
ఎస్‌ ఆర్‌ కళ్యాణ మండపం ఓపెనింగ్‌ కాస్త పర్వాలేదు. కామెడీ సన్నివేశాలతో పాటు హీరో పాత్రను నడిపించిన తీరు బాగానే ఉంది. కాని సెకండ్‌ హాఫ్ మాత్రం ఏమాత్రం ఆకట్టుకోలేకుండా పోయింది. ముఖ్యంగా సెకండ్‌ హాఫ్ లోని మాస్ ఎలిమెంట్స్ విషయంలో మేకర్స్ పూర్తిగా పట్టుకోల్పోయినట్లుగా అనిపించింది. సినిమాను పూర్తి స్థాయి ఎంటర్ టైనర్ గా తెరకెక్కించడంలో విఫలం అయ్యారు. కనీసం ఎమోషనల్‌ సీన్స్ అయినా పర్ఫెక్ట్‌ గా చూపించలేక పోయారు.
చూడాలా? వద్దా?: టైమ్‌ పాస్ కావాలంటే వెళ్లి కొద్ది సమయం రావచ్చు.
తెలుగు బుల్లెటిన్ రేటింగ్‌: 2/5
532624 956653Wonderful info many thanks sharing and reaching us your subscriber list. 831758