పబ్జీతో అతివలను ఆకర్షించి.. కోట్లకు పడగలెత్తి..

మహిళలతో పబ్జీ గేమ్ ఆడుతూ.. వారితో మాట్లాడిన మాటలనే పెట్టుబడిగా పెట్టి ఏకంగా కోట్లకు పడగలెత్తాడు. మూడేళ్లలోనే రూ.75 కోట్లు సంపాదించాడు. చివరకు కటకాలపాలయ్యాడు. చెన్నైలోని వేంగైవాసల్ కు చెందిన మదన్ ఇంజనీరింగ్ చదివాడు. పబ్జీ గేమ్ ఆడుతూ పలువురు మహిళలను కూడా ఇందులోకి దింపాడు. అనంతరం వారితో అసభ్యకరంగా మాట్లాడుతూ.. ఆ సంభాషణలను వారికి తెలియకుండా రికార్డు చేసి వాటిని యూట్యూబ్ లో అప్ లోడ్ చేసేవాడు. అతడి యూట్యూబ్ చానల్ కు లక్షలాది మంది సబ్ స్క్రైబర్లు ఉండటంతో భారీగా ఆదాయం వచ్చేది. ఇలా మూడేళ్లలో ఏకంగా రూ.75 కోట్లు సంపాదించాడు. ఇందుకు అతడి భార్య కృత్తిక కూడా సహకరించింది. ఆమెతో కలిసి పది యూట్యూబ్ చానళ్లలో ఆ ఆడియోలను అప్ లోడ్ చేసేవాడు. అయితే, తమ సంభాషణలున్న ఆడియోలు యూట్యూబ్ లో ఉండటంతో బాధిత మహిళలు పోలీసులకు ఫిర్యాదు చేశారు. దీంతో మదన్ దంపతుల బాగోతం బయటపడింది. తనతో అసభ్యంగా మాట్లాడిన పలువురు మహిళలకు డబ్బులు కూడా ఇచ్చేవాడని విచారణలో తేలింది. పోలీసులను ఇద్దరినీ అరెస్టు చేసి జైలుకు తరలించారు.