భారతీయ జనతా పార్టీ, ఆంధ్రప్రదేశ్లో బలోపేతమవడం అనేది ఇప్పట్లో జరిగేందుకు ఆస్కారం లేదు. ప్రత్యేక హోదా సహా, రాష్ట్రానికి సంబంధించిన కీలక విషయాల్లో ‘మాకేంటి సంబంధం.?’ అని చేతులెత్తేయడమే ఇందుకు కారణంగా రాజకీయ విశ్లేషకులు భావిస్తున్నారు. అయితే, ప్రత్యేక హోదా మినహా, మిగతా అన్ని అంశాల్నీ తాము నెరవేరుస్తున్నామని కమలదళం చెబుతోంది. రాష్ట్రంలో బీజేపీకి తగిన ఓటు బ్యాంకు లేకపోవడంతోనే, ఏపీని బీజేపీ పట్టించుకోవడంలేదన్న భావనతోనే రాష్ట్ర ప్రాజీనకం వున్నారన్నది నిర్వివాదాంశం. మరి, ఈ అపప్రధను బీజేపీ ఎలా పోగొట్టుకుని, ప్రజలకు దగ్గరవుతుంది.? అన్నదే మిలియన్ డాలర్ల ప్రశ్న.
ప్రస్తుతానికి జనసేనతో బీజేపీ పొత్తు నడుస్తోంది. ముందు ముందు బీజేపీ, టీడీపీతోనూ పొత్తు పెట్టుకునే అవకాశాలున్నాయన్న చర్చ చాన్నాళ్ళుగా సాగుతోంది. టీడీపీని తూలనాడే క్రమంలో, వైసీపీకి అదనపు బలాన్నిస్తోన్న బీజేపీ.. మరింతగా రాష్ట్ర ప్రజలకు దూరమవుతోందన్నది నిర్వివాదాంశం. జనసేనతో కలిసి రాజకీయ ప్రయాణం చేస్తోన్న బీజేపీ, ఆ దిశగానే రాష్ట్ర ప్రజలకు చేరువయితే.. ఈ పాటికే రాష్ట్ర రాజకీయాల్లో తనదైన ముద్ర వేసేది. రాజధాని అమరావతి విషయంలో బీజేపీ గందరగోళం ఆ పార్టీకే కాదు, బీజేపీ మిత్రపక్షం జనసేనకూ ఇబ్బందికరంగా మారింది. 2024 ఎన్నికలకు ఇంకా సమయం వుంది. కానీ, ఈలోగా రాష్ట్రంలో పొలిటికల్ ఈక్వేషన్స్ బాగానే మారుతున్నాయి. ‘ఇప్పుడు కాకపోతే ఇంకెప్పుడు.?’ అన్న ధోరణిలో రాష్ట్ర రాజకీయాలపై బీజేపీ పట్టు బిగించాల్సి వుంది. కానీ, గ్రౌండ్ లెవల్లో జనసేన – బీజేపీ మధ్య ‘సఖ్యత’ అంతగా కనిపించడంలేదు.
ఏదన్నా విషయమ్మీద జనసేన గట్టిగా నిలబడితే, బీజేపీ నేతలు తమ నోటి దురదతో పరిస్థితిని ప్రత్యర్థులకు అనుకూలంగా మార్చేస్తున్నారు. ఇలాంటి చాలా విషయాల్లో బీజేపీ ‘సెట్ రైట్’ కావాల్సి వుంది. కాగా, బీజేపీకి, జనసేన కంటే టీడీపీతోనే అడ్వాంటేజ్.. అన్న దిశగా బీజేపీలో కొందరు నేతలు అధిష్టానానికి రిపోర్ట్స్ ఇస్తున్నారట. దానికి వ్యతిరేకంగా వైసీపీ ‘కోవర్టులూ’ తమ పని తాము చేసుకుపోతున్నారట. ‘పొత్తుల విషయం అధిష్టానం తేలుస్తుంది..’ అంటూ బీజేపీ ముఖ్య నేతల్లో ఒకరైన భువనేశ్వరి, టీడీపీతో పొత్తు విషయమై నర్మగర్భంగా వ్యాఖ్యానించడం కొసమెరుపు.
794626 257850I really like the look of your web site. I recently built mine and I was looking for some concepts for my website and you gave me some. Might I ask you whether you developed the internet site by youself? 768073
404162 989800Thanks for yet another informative post. Exactly where else could anyone get that kind of info in such a simple to understand way of presentation. 105721