టీటీడీ ఆస్తుల అమ్మకంపై బోర్డు కీలక నిర్ణయం

కొన్ని రోజుల క్రితం టీటీడీకి చెందిన ఆస్తులను అమ్మేందుకు బోర్డు నిర్ణయం తీసుకున్న విషయం తెల్సిందే. బహిరంగ వేలంకు ప్రకటన రావడం.. భూముల వివరాలను కూడా ప్రకటించిన తర్వాత తీవ్ర విమర్శలు రావడంతో టీటీడీ వెనక్కు తగ్గింది. ఈ విషయంలో గత ప్రభుత్వానిది మరియు పాలక మండలిది తప్పు అంటూ ఒక ప్రకటన చేసి వివాదంకు స్వస్థి చెప్పడం జరిగింది. వివాదం సర్థుమనిగిందని భావిస్తున్న తరుణంలో టీటీడీ బోర్డు భూములను మరియు ఆస్తులను భవిష్యత్తులో కూడా ఎవరు అమ్మకుండా కొనుగోలు చేయకుండా నియమ నిబంధనలు తీసుకు వచ్చింది.

నేడు పాలక పక్షం బోర్డు వీడియో కాన్ఫిరెన్స్‌ ద్వారా సమావేశం నిర్వహించారు. ఈ సమావేశంలో టీటీడీకి చెందిన నిరుపయోగ ఆస్తులు మరియు భూములపై ప్రత్యేక కమిటీని ఏర్పాటు చేయడం జరిగింది. ఈ కమిటీలో పాలక మండలి సభ్యులు, మఠాధిపతులు, స్వామీజీలు, భక్తులు కూడా సభ్యులుగా ఉంటారు. ఏ నిర్ణయం తీసుకోవాలన్నా కూడా ఈ కమిటీ సభ్యుల అందరి నిర్ణయం తీసుకోవాల్సిందే. అలాగే టీటీడీ ఆస్తుల అమ్మకంను పూర్తిగా నిషేదిస్తున్నట్లుగా కూడా ఈ రోజు సమావేశంలో నిర్ణయించుకున్నారు. ఇక దర్శనం పునరుద్దరణ విషయంలో కూడా టీటీడీ చర్చించింది. లాక్‌ డౌన్‌ ఎత్తి వేయడం లేదా ప్రభుత్వం ఆదేశాలు వచ్చే వరకు భక్తులకు స్వామి వారి దర్శన భాగ్యం లేనట్లే అంటూ బోర్డు సభ్యులు పేర్కొన్నారు.