జగన్‌ ప్రభుత్వ వైఫల్యానికి ‘కోయంబేడు’ పూత.!

తమిళనాడులోని కోయంబేడు మార్కెట్‌కి వెళ్ళి వచ్చినవారి ద్వారా మళ్ళీ ఇప్పుడు ఆంధ్రప్రదేశ్‌లో కరోనా పాజిటివ్‌ కేసులు నమోదవుతున్నాయి. తమిళనాడుని ఆనుకుని వుండే చిత్తూరు జిల్లాతోపాటు, తమిళనాడుకి దూరంగా వుండే తూర్పుగోదావరి జిల్లాలోనూ ‘కోయంబేడు’ లింకులతో కేసులు నమోదవుతుండడం ఆందోళన కలిగించే విషయమే. ఈ కేసుల గురించి ప్రత్యేకంగా బులెటిన్‌లో ప్రస్తావిస్తోంది ఆంధ్రప్రదేశ్‌ వైద్య ఆరోగ్య శాఖ.

నిజానికి, భారతదేశానికి విదేశాల నుంచి పెద్దగా కరోనా ముప్పు సంభవించలేదు. ఢిల్లీలోని నిజాముద్దీన్‌ మర్కజ్‌ కారణంగానే పెను ముప్పు వాటిల్లింది. మర్కజ్‌ వ్యవహారం వేరు.. కోయంబేడు మార్కెట్‌ వ్యవహారం వేరు. లాక్‌డౌన్‌ పూర్తిగా అమలవుతున్న సమయంలో కోయంబేడు వ్యవహారం తెరపైకొచ్చింది. అంటే, ఇది పూర్తిగా ప్రభుత్వాల వైఫల్యమే.

సరిహద్దుల్లో గట్టి నిఘా పెట్టామని చెబుతూనే, పొరుగు రాష్ట్రాల నుంచి వస్తున్న వాహనాలను ఎందుకు సమర్థవంతంగా తనిఖీలు చేయలేకపోయారు.? వాటి డ్రైవర్లను ఎందుకు ట్రాక్‌ చేయలేకపోయారన్నది మిలియన్‌ డాలర్ల ప్రశ్న ఏమీ కాదు. తమ వైఫల్యానికి ‘ముసుగు’ తొడుగుతూ, దాన్ని కోయంబేడు ఖాతాలో పడేస్తోంది వైఎస్‌ జగన్‌ సర్కార్‌.

కోయంబేడు లింకుల కారణంగా వెలుగు చూసిన కేసులు అక్కడితో ఆగితే మంచిదే. కానీ, అవి మళ్ళీ సామూహిక వ్యాప్తికి దారి తీస్తే.. ముందు ముందు పెను ప్రమాదం తప్పదు. ఇదిలా వుంటే, ఆంధ్రప్రదేశ్‌లో లిక్కర్‌ షాపుల్ని తెరిచాక, పొరుగు రాష్ట్రాల నుంచి పెద్దయెత్తున మందుబాబులు ఆంధ్రప్రదేశ్‌ బోర్డర్‌లో హల్‌చల్‌ చేశారు. వాటికి సంబంధించి కొత్త కేసులు ఏమైనా ఆంధ్రప్రదేశ్‌లో నమోదయ్యాయా.? అన్న విషయమై సరైన స్పష్టత లేదు.

ఫ్లాష్ న్యూస్: టీవీ5పై దాడి చేసిన వారిని శిక్షించాలి – పవన్ కళ్యాణ్

ఇదిలా వుంటే, ప్రజా రవాణాకి వెసులుబాట్లు రానున్న దరిమిలా.. ఇకపై, కరోనా వ్యాప్తి విషయమై ఎవర్నీ నిందించడానికి వీల్లేని పరిస్థితి దాపురిస్తుందేమో. తప్పదు, అప్పుడిక కరోనాతో సహజీవనం చేయాల్సిందే ఎవరైనా .!