20 లక్షల కోట్ల రూపాయల ప్యాకేజీని కరోనా వైరస్ నేపథ్యంలో ప్రధాని నరేంద్ర మోడీ నిన్న ప్రకటించిన దరిమిలా మార్కెట్లలో కొత్త ఊపు కన్పిస్తోంది. దేశమంతా మోడీ ప్రకటించిన ప్యాకేజీ తాలూకు రూపు రేఖలేంటో తెలుసుకోవాలని ఉత్కంఠగా ఎదురుచూస్తోంది. నిజానికి, ఇలాంటి విషయాల్లో ప్రభుత్వాలు అంకెలగారడీ చేయడం కొత్తేమీ కాదు.
మొన్నటికి మొన్న, దాదాపు లక్ష కోట్లపైన ఓ ప్యాకేజీని కేంద్రం ప్రకటించింది. జన్ధన్ ఖాతాల్లో 500 రూపాయల చొప్పున మూడు నెలలపాటు డిపాజిట్ చేయడం సహా పలు అంశాలున్నాయి అందులో. అయితే, ఆ ప్యాకేజీ దేశ ఆర్థిక రంగానికి పెద్దగా ఉపశమనం కల్పించలేకపోయింది. అదే సమయంలో, ఆ ప్యాకేజీ పేరుతో జరిగిన పబ్లిసిటీ స్టంట్లు అన్నీ ఇన్నీ కావు. అయితే, ఈసారి నరేంద్ర మోడీ ‘లోకల్ మంత్ర’ జపిస్తూ, 20 లక్షల కోట్ల ప్యాకేజీని ప్రకటించడం గమనార్హం.
ప్యాకేజీ సంగతి పక్కన పెడితే, దేశంలో ఉత్పాదక రంగాన్ని బలోపేతం చేయాల్సిన ఆవశ్యకత గురించి నరేంద్ర మోడీ మాట్లాడటాన్ని పారిశ్రామిక వర్గాలు ఆహ్వానిస్తున్నాయి. అయితే, అమలులో అది సాధ్యమేనా.? అన్న అనుమానాలు వ్యక్తమవుతుండడం గమనార్హం. గ్లోబలైజేషన్ పుణ్యమా అని ప్రపంచం చాలా చిన్నదైపోయింది. విదేశీ పెట్టుబడుల్ని ప్రోత్సహించడం సర్వసాధారణ వ్యవహారంగా మారిపోయింది ఏ దేశానికైనా. మన దేశంలో ఇది మరీ ఎక్కువగా కన్పిస్తోంది ఇటీవలి కాలంలో. ఆ పెట్టుబడుల రూపంలో వచ్చే అనర్ధాల్ని కూడా మనం ఎక్కువగానే భరించాల్సి వస్తోంది. ఈ తరుణంలో స్వదేశీ మంత్రం జపించడమంటే కాస్త ఆసక్తికరమైన అంశమే.
నిజానికి పెద్ద నోట్ల రద్దు సహా అనేక కీలక నిర్ణయాల్ని నరేంద్ర మోడీ తీసుకున్నప్పుడు అంతా ఆహ్వానించారు. కానీ, వాటి ఫలితాలేంటి.? దేశానికి లాభం చేకూర్చలేదు సరికదా.. దేశాన్ని ఇబ్బందుల్లోకి నెట్టేశాయి ఆ నిర్ణయాలు. ఇప్పుడీ స్వదేశీ మంత్రం కూడా వినడానికి చాలా బావుంది. చిత్తశుద్ధితో అమలు చేస్తే సత్పలితాలు రావడం ఖాయం. కానీ, గ్లోబలైజేషన్ అందుకు ఒప్పుకుంటుందా.? పాత ఒప్పందాల మాటేమిటి.? ఇలా సవాలక్ష ప్రశ్నలు తెరపైకొస్తున్నాయి.
మన దగ్గర ప్రొడక్టివిటీని పెంచి, విదేశాలకు ఎగుమతి చేస్తాం సరే.. దిగుమతులు తగ్గించాల్సి వస్తే.. వాటి చుట్టూ ఒప్పందాలు చేసుకున్న అమెరికా లాంటి అగ్రదేశాలు వేసే ఎత్తుగడలు ఎలా వుండబోతున్నాయి.? ఇలాంటి ప్రశ్నలు చాలా చాలానే ఉత్పన్నమవుతున్నాయి ఆర్థిక రంగ నిపుణుల నుంచి. ఏదిఏమైనా, కరోనా వైరస్ అనేది సంక్షోభం సృష్టించడం మాత్రమే కాదు, ఓ అవకాశాన్ని కూడా ఇచ్చింది. ఆ అవకాశాన్ని మనం ఎలా సద్వినియోగం చేసుకుంటామన్నదానిపైనే మన భవిష్యత్ ఆధారపడి వుంటుంది.
458753 891372extremely good post, i undoubtedly adore this outstanding internet site, carry on it 92163
883192 922811All you require to know about News details to you. 292969