ప్రపంచంలోనే ఒకే రోజు అత్యధికంగా ‘కరోనా మరణాలు’ సంభవించింది అమెరికాలోనే. మొత్తం 1480 మంది నిన్న అమెరికాలో కరోనా మహమ్మారికి బలైపోయారు. అక్కడ కరోనా మరణాల సంఖ్య మొత్తంగా 10 వేలకు చేరుకుంటోంది. దాదాపు 3 లక్షల మంది కరోనా పాజిటివ్‌ కేసులు నమోదయ్యాయి ఇప్పటివరకూ అమెరికాలో. అగ్ర రాజ్యం అమెరికా, కరోనా దెబ్బకు ఎంతగా విలవిల్లాడుతుందో చెప్పడానికి ఇంతకన్నా నిదర్శనం ఇంకోటి అవసరం లేదు.
‘అమెరికాని కరోనా ఏమీ చేయలేదు.. అమెరికాని చూసి కరోనా పారిపోవాల్సిందే.. అసలు అమెరికాకి కరోనా వచ్చే ప్రసక్తే లేదు..’ అని ఈ మధ్యనే డోనాల్డ్‌ ట్రంప్‌ సంచలన వ్యాఖ్యలు చేశారు. కొద్ది రోజుల క్రితమే జరిగింది ఈ హడావిడి. కానీ, కేవలం రోజుల వ్యవధిలోనే అమెరికాలో పరిస్థితులు మారిపోయాయి.
ప్రపంచంలోనే అత్యధికంగా కరోనా పాజిటివ్‌ కేసులు నమోదైన దేశం ప్రస్తుతం అమెరికానే. 2 లక్షల మందికి పైగా అమెరికాలో కరోనా కారణంగా చనిపోతారన్నది ఓ అంచనా. పరిస్థితి తీవ్రత ఇప్పుడిప్పుడే అమెరికాకి అర్థమవుతోంది. కానీ, మేకపోతు గాంభీర్యం మాత్రం అమెరికా కొనసాగిస్తోంది.
ఇదిలా వుంటే, అమెరికాలోని భారతీయులు కరోనా దెబ్బకి విలవిల్లాడుతున్నారు. విద్యనభ్యసించేందుకు వెళ్ళి కరోనా కారణంగా అక్కడే చిక్కుకుపోయినవారి పరిస్థితి మరీ దయనీయంగా తయారైంది. ఎవరూ ఇళ్ళల్లోంచి బయటకు రాలేని పరిస్థితి ఏర్పడింది. అమెరికాలో కరోనా తీవ్రత చూస్తోంటే, ఇంకో ఆరు నెలలైనా పరిస్థితి అదుపులోకి వస్తుందా.? రాదా.? అన్న సందేహం సర్వత్రా వ్యక్తమవుతోంది.
‘ప్రపంచానికే పోలీస్‌..’ అనే అహంకారం అమెరికాలో అణువణువునా కన్పిస్తుంది. ‘పెద్దన్న’ అనే ట్యాగ్‌ వేసుకుని, ప్రపంచంపై పెత్తనం చేయడం అమెరికాకి కొత్తేమీ కాదు. కానీ, కరోనా వైరస్‌ ముందు అమెరికా ఓడిపోయినట్లే కన్పిస్తోంది. అదీ, చైనా నుంచి పుట్టుకొచ్చిన వైరస్‌, అమెరికాని అతలాకుతలం చేయడమంటే.. ఇదేదో ‘బయోవార్‌’ అనే అనుమానం కలగకమానదు.
అమెరికా మాత్రమే కాదు, ప్రపంచ దేశాలన్నీ ఈ చైనా వైరస్‌ దెబ్బకి విలవిల్లాడుతోంది. ఆ మాటకొస్తే, మానవాళికే ముప్పులా పరిణమించింది ఈ చైనా వైరస్‌ కోవిడ్‌ 19.
623884 594699Yeah bookmaking this wasnt a risky determination outstanding post! . 774419