ప్రభుత్వాలు ఎన్ని చెప్పినా ప్రజలు మారరా.. ఇదెక్కడి ఖర్మ.!!

దేశంలో రోజు రోజుకు కరోనా కేసులు పెరిగిపోతున్నాయి. నిన్న ఒక్కరోజే దేశంలో 70 కొత్త కేసులు నమోదుకాగా, 7 మరణాలు సంభవించాయి. ఇండియాలో మొత్తం 727 పాజిటివ్ కేసులు నమోదు కావడం కంగారు పెడుతున్నది. లాక్ డౌన్ చేయడం, సోషల్ డిస్టెన్సింగ్ ను పాటించడం ఒక్కటే మార్గం అని ప్రభుత్వాలు చెప్తున్నాయి. ఖచ్చితంగా 21 రోజులపాటు లాక్ డౌన్ పాటించాలసిందే అని, లేదంటే పరిస్థితి చేయి దాటిపోతుందని, ఒక్కసారి చేయిదాటిపోతే దానిని అదుపులోకి తీసుకురావడం ఎవరితరం కాదని అంటున్నారు.

ప్రభుత్వం అన్ని రకాల సౌకర్యాలు కల్పిస్తూ ఉన్న చోటే ఉండండి, ఎవరికీ ఎటువంటి ఇబ్బందులు తలెత్తవు అని చెప్తున్నా ప్రజలు వినడం లేదు. వినకపోగా, మొండికేస్తున్నారు. ఏదైతే ఏంటి అని చెప్పి రోడ్డుపైకి వస్తున్నారు. ఇలా రావడం వలన జరిగే పరిణామాలు ఎలా ఉంటాయో ఇటలీ, స్పెయిన్, అమెరికాలను చూస్టునే అర్ధం అవుతుంది. అక్కడ రోజు రోజుకు పాజిటివ్ కేసులు వేల సంఖ్యలో పెరుగుతున్నాయి. మరణాలు కూడా భారీగా సంభవిస్తున్నాయి. చైనా ఈ వైరస్ ను కట్టడి చేసింది. ఎలా కట్టడి చేయగలిగిందో మనం చూశాం. లాక్ డౌన్ ను ఎంత కఠినంగా అమలు చేసిందో తెలిసిందే. అక్కడి ప్రజలు రెండు నెలల పాటు బయటి ప్రపంచాన్ని చూడలేకపోయారు అంటే అర్ధం చేసుకోవచ్చు. కరోనాపై చైనా ఎంతటి యుద్ధం చేసిందో.

ఇటలీ ఆలస్యంగా మేలుకొని ఇబ్బందులుపడింది. లాక్ డౌన్ ను కఠినంగా అమలు చేయడంతో ఇప్పుడిప్పుడే అక్కడ కంట్రోల్ అవుతున్నది. కొత్త కేసులు తక్కువగా నమోదవుతున్నాయి. స్పెయిన్ లో మాత్రం పాజిటివ్ కేసులు, మరణాలు ఇప్పట్లో ఆగేలా కనిపించడం లేదు. ఇక అమెరికా విషయానికి వస్తే, అమెరికాలో 85,594 పాజిటివ్ కేసులు నమోద కాగా, 1300 మరణాలు సంభవించాయి. ఈ సంఖ్య అమెరికాను భయపెడుతున్నది. ప్రజలు సహకరించకుంటే మనం కూడా ఈ దేశాల జాబితాలోనే చేరిపోతాం. జాగ్రత్తగా ఉండండి. కరోనాను తరిమికొట్టండి