అమరావతి ప్రజలను బుట్టలో వేసుకున్న జగన్

వైఎస్ జగన్ మరో సంచలన నిర్ణయం తీసుకున్నారు. ఈ నిర్ణయంతో రాజకీయాల్లో సంచలనం ఖాయంగా కనిపిస్తోంది. ఇప్పటి వరకు అమరావతి పరిధిలోని సీఆర్డీఏ భూముల విషయంలో పెద్ద రగడ జరుగుతూ వస్తున్నది. ఈ భూములను ఏం చేయాలి. ఎలా వినియోగించాలి అనే ఆలోచనలో ఉన్న ప్రభుత్వానికి ఓ చక్కని ఆలోచన చిక్కింది. వెంటనే దానిని అమలు చేస్తూ జీవో రిలీజ్ చేశారు.

అదేమంటే, మార్చి 25 వ తేదీన రాష్ట్రంలోని పేద ప్రజలకు ఇళ్ల స్థలాలు పంపిణి చేయాలని ఇప్పటికే ప్రభుత్వం నిర్ణయం తీసుకుంది. దీనికోసం రాష్ట్రంలో అందుబాటులో ఉన్న భూములను సేకరించడం మొదలుపెట్టింది. అయితే, రాయలసీమ, ఉత్తరాంధ్ర ప్రాంతాల్లో వైకాపాకు మంచి పట్టు లభించింది. కానీ, అమరావతి పరిసర ప్రాంతాల్లో వైకాపా గత కొన్ని రోజులుగా ఇబ్బందులు ఎదుర్కొంటోంది.

కారణం ఏంటి అంటే, మూడు రాజధానుల నిర్ణయం. మూడు రాజధానుల నిర్ణయంతో వైకాపా ఇబ్బందుల్లో పడిపోయింది. అమరావతి ప్రాంత ప్రజల నుంచి సానుకూల స్పందన వస్తుంది అనుకున్నా ప్రతిపక్షం తీసుకున్న నిర్ణయంతో ప్రభుత్వం ఇరకాటంలో పడింది. అందుకోసమే రాజధాని ప్రాంత ప్రజలకు దగ్గరయ్యేందుకు ఓ సంచలన నిర్ణయం తీసుకున్నది. ఇందులో భాగంగానే గుంటూరు, విజయవాడ ప్రాంతలకు చెందిన అర్హులైన పేదలకు అమరావతి పరిధిలోని భూములను ఇళ్లస్థలాలుగా ఇవ్వాలని నిర్ణయం తీసుకుంది.

ఇది గొప్ప నిర్ణయం అని చెప్పాలి. ఎందుకంటే పేద ప్రజలకు అమరావతి పరిధిలో భూములు ఉంటె, ఎప్పటికైనా అమరావతి ప్రాంతం గొప్ప నగరంగా అభివృద్ధి చెందుతుంది. అప్పటికి ఈ భూములు కూడా అభివృద్ధి చెందుతాయి. ప్రజలు అక్కడికి వచ్చి స్థిరపడతారు కాబట్టి నగరంగా అభివృద్ధి చెందుతుంది. పైగా ఇపుడు భూములు ప్రజలకు ఉచితంగా ఇస్తున్నారు కాబట్టి తప్పకుండా ప్రజలు దీనిని స్వాగతిస్తారని వైకాపా ఆలోచన.