కేనింగ్‌.. ఇప్పుడీ మాట తెలుగు రాష్ట్రాల్లో మార్మోగిపోతోంది. ‘రెండు బెత్తం దెబ్బలు’గా దీని గురించిన ప్రచారం జరుగుతోంది. నిజమే.. అవి బెత్తం దెబ్బలే. కానీ, ఆ దెబ్బలు అంత ఆషామాషీ దెబ్బలు కావు. ఈ విషయమై జనసేన అధినేత పవన్ కళ్యాణ్‌ ఇప్పటికే స్పష్టతనిచ్చారు. అయినాగానీ, ‘రేపిస్టులకు కఠిన శిక్షలెందుకు.. రెండు బెత్తం దెబ్బలు చాలని పవన్ అంటున్నారు.. ఇదేనా పవన్ కళ్యాణ్‌కి మహిళల పట్ల వున్న నిబద్ధత.?’ అంటూ పవన్ కళ్యాణ్‌ వ్యాఖ్యల్ని వక్రీకరిస్తున్నారు వివిధ రాజకీయ పార్టీలకు చెందిన నేతలు..
మరీ ముఖ్యంగా వైఎస్సార్సీపీ నేతలు, ఈ విషయమై చేస్తున్న ‘అతి’ అంతా ఇంతా కాదు. తాజాగా, అసెంబ్లీలోనూ వైసీపీ ఎమ్మెల్యే రోజా, ‘రెండు బెత్తం దెబ్బలు’ అంశాన్ని ప్రస్తావించి పవన్ కళ్యాణ్‌పై విమర్శలు చేశారు. అయితే, కేనింగ్‌.. అంటే అది ఆషామాషీ వ్యవహారం కాదు. దానికో పెద్ద ప్రాసెస్‌ వుంటుంది.
మహిళలతో అసభ్యకరంగా ప్రవర్తించేవారికి విధించే శిక్షల్లో కేనింగ్‌ ఒకటి. బెత్తంలాంటి ఓ కర్రతో అనాచ్ఛాదిత ‘పిరుదులపై’ బాదడం ఈ కేనింగ్‌ ప్రక్రియ సారాంశం. ఆ బాదుడెలా వుంటుందో తెలుసా.? ఆ బాదుడు దెబ్బకి చర్మం ఊడి వచ్చేస్తుంది. ఇన్‌ఫెక్షన్‌ కలగకుండా, బెత్తానికి యాంటీ బయాటిక్‌ పూత కూడా పూస్తారు. శిక్షకి ముందు రోజు ఆ బెత్తాన్ని ‘సోక్‌’ చేస్తారు. దాంట్లో సాల్ట్‌ వాటర్‌ ఇంకిపోయేలా కూడా చేస్తారు.
ఒక్కసారి ఈ బెత్తం దెబ్బలు తింటే, ఎవరైనా.. తప్పు చేయడానికి ఒకటికి వందసార్లు ఆలోచించాల్సిందే. ఇదీ ఈ కేనింగ్‌ శిక్ష తాలూకు ప్రత్యేకత. ‘ఉరిశిక్ష విధిస్తే ఒక్కసారే ప్రాణం పోతుంది.. నొప్పి కూడా పెద్దగా తెలియదు.. కానీ, కేనింగ్‌ని ఎదుర్కోవడమంటే అదో ప్రత్యక్ష నరకం..’ అంటారు శిక్ష అనుభవించినోళ్ళు.
సింగపూర్‌ తదితర కొన్ని దేశాల్లో మాత్రమే ఈ కేనింగ్‌ ఇంకా అమల్లో వుంది. దారి తప్పుతున్న మగాళ్ళకు తొలి దశలోనే ఈ శిక్ష విధిస్తే.. వాళ్ళు మృగాళ్ళుగా మారి అకృత్యాలకు పాల్పడే అవకాశం వుండదు. అదీ పవన్ కళ్యాణ్‌ చెప్పిన మాట. అంతే తప్ప, మృగాళ్ళకు బెత్తం దెబ్బలు చాలని ఆయన అనలేదు.
79394 975217Ive writers block that comes and goes and I need to have to uncover a strategy to get rid of my writers block. It can occasionally be so bad I can barley make sentences. Any suggestions? 56875