చిరు ‘సైరా’ ట్రైలర్ రివ్యూ : పక్కా ఆల్ టైం రికార్డ్స్ బ్రేక్ .!

తెలుగు సినీ ఇండస్ట్రీ స్థాయిని, సత్తాని మరోసారి ప్రపంచ సినిమాకి పరిచయం చేయడానికి అక్టోబర్ 2న ప్రపంచవ్యాప్తంగా 5 భాషల్లో రిలీజ్ కానున్న సినిమా ‘సైరా నరసింహారెడ్డి’. మెగాస్టార్ చిరంజీవి హీరోగా, మెగాపవర్ స్టార్ రామ్ చరణ్ నిర్మాతగా, సురేందర్ రెడ్డి దర్శకత్వంలో రూపొందిన ఈ సినిమాపై మెగా అభిమానుల్లో, సినీ అభిమానుల్లో దేశ వ్యాప్తంగా భారీ అంచనాలున్నాయి. ఈ అంచనాలను మరింత పెంచేలా కొద్ధిసేపటి క్రితమే ‘సైరా’ ట్రైలర్ రిలీజ్ అయ్యింది.

2 నిమిషాల 54 సెకన్ల నిడివిగల ఈ ట్రైలర్లో అద్భుతమైన సెట్స్, అదిరిపోయే స్టంట్స్, మైండ్ బ్లోయింగ్ అనిపించే గ్రాఫిక్స్ ఉన్నాయి. కానీ ఓవరాల్ గా ‘సైరా’ ట్రైలర్ థియేటర్ కి ప్రేక్షకులు ఎగబడేలా ఉందా లేక పర్లేదు అనేలా ఉందా అనేది ఈ రివ్యూలో చూద్దాం.

సీటీమార్ మోమెంట్స్:

– అమితాబ్ బచ్చన్, అనుష్క డైలాగ్స్ మీద చిరు ఇంట్రడక్షన్ షాట్స్

– హాలీవుడ్ ని తలపించే వార్ ఎపిసోడ్ విజువల్స్

– అద్భుతంగా అనిపించే ఆర్ట్ డైరెక్టర్ రాజీవన్ సెట్స్

– చిరంజీవి పవర్ఫుల్ డైలాగ్స్

– అండర్ వాటర్ మరియు ఫోర్ట్ దగ్గర యాక్షన్ బ్లాక్ సాంపుల్ షాట్స్ అరాచకం.

– ఎమోషనల్ టచ్ ఫినిషింగ్

– రత్నవేలు సినిమాటోగ్రఫీ నెక్స్ట్ లెవల్

– అమిత్ త్రివేది మ్యూజిక్

ఓకే ఓకే మోమెంట్స్:

– టీజర్ లో లానే పాత్రలని మళ్ళీ పరిచయం చేయడం.

ట్రెండ్ సెట్ చేసే డైలాగ్స్:

– నరసింహా రెడ్డి సామాన్యుడు కాదు ఒక కారణ జన్ముడు.. అతనొక యోగి – అతనొక యోధుడు అతన్ని ఎవ్వరూ ఆపలేరు.

– ఈ భూమ్మీద పుట్టింది మేము – ఈ మట్టిలో కలిసేది మేము, మీకెందుకు కట్టాలిరా సిస్తు – చిరు

– వీరత్వానికి పేరుబడ్డ తమిళ భూమి నుండి వచ్చాం, రాముడికి లక్ష్మణుడి మాదిరి మీకూడా ఉంటాం. అది విజయమో వీర మరణమో.. – విజయ్ సేతుపతి

– నరసింహారెడ్డి ఎక్కడ ఉన్నాడో చెప్పండి – మా గుండెల్లో ఉన్నాడు.

– స్వేచ్ఛ కోసం ప్రజలు చేస్తున్న తిరుగుబాటు, నా భరతమాత గడ్డ మీద నిలబడి హెచ్చరిస్తున్ననా దేశం వదిలి వెళ్లిపోండి లేదా యుద్ధమే – చిరు

– చివరి కోరిక ఏమైనా ఉంటే tell me now in one sentence – Get out from my Mother Land – చిరు.