Akash Puri: హీరోగా తానేంటో ఇంకా నిరూపించుకోవాల్సి ఉందని.. ఆ తర్వాతే తన తండ్రి పూరి జగన్నాధ్ (Puri Jagannadh) దర్శకత్వంలో నటిస్తానని హీరో ఆకాశ్ పూరి (Akash Puri) అన్నారు. ఓ బ్రాండ్ కు అంబాసిడర్ గా ఎంపికైన సందర్భంలో ఆయన మాట్లాడారు. ‘మంచి సినిమాలు చేయాలనే ఉద్దేశంతోనే సినిమాలు ఆలస్యమవుతున్నాయి. ఏదొకటి చేసేయాలని లేదు. వచ్చిన కథలు వింటున్నాను. నాన్న కథలు విని సలహాలు ఇస్తారు. ప్రస్తుతం మూడు కథలు ఓకే చేశాను. త్వరలోనే వివరాలు చెప్తాను’.
‘బుజ్జిగాడు ప్రేక్షకులకు బాగా నచ్చిన సినిమా. దాని సీక్వెల్లో నటించే ఉద్దేశం లేదు. నేనింతే సీక్వెల్ ఉంటే చేస్తా. నా స్నేహితుడు తేజ సజ్జా (Teja Sajja) కష్టపడే వ్యక్తి. హనుమాన్ తో మంచి విజయం సాధించడం సంతోషంగా ఉంది. హనుమాన్, కార్తికేయ2 వంటి సినిమాల్లో నటిస్తా. నాకు దర్శకత్వంపై ఆసక్తి ఉంది. భవిష్యత్తులో దర్శకుడిని అవుతా. రామ్ హీరోగా నాన్న దర్శకత్వంలో వస్తున్న డబుల్ ఇస్మార్ట్ లో నేను నటిస్తున్నానే వార్తలు అవాస్తవ’ని ఆకాశ్ అన్నారు.