Gold Fish: అదృష్టం కలిసొచ్చే టైమ్ వస్తే ఎవరూ ఆపలేరు. దీనిని నిజం చేస్తూ రాత్రికి రాత్రే కోటీశ్వరుడయ్యాడు పాకిస్థాన్ (Pakistan) కు చెందిన మత్స్యకారుడు (Fisherman). వివరాల్లోకి వెళ్తే.. కరాచీ తీరంలోని మత్స్యకార గ్రామమైన ఇబ్రహీం హైదరీకి చెందిన హజీ బలోచ్ అనే వ్యక్తి సముద్రంలో చేపలు పట్టుకుంటూ జీవనం సాగిస్తున్నాడు. ఈనెల 6న (సోమవారం) కొందరు మత్స్యకారులతో కలసి వేటకు వెళ్లాడు. వలలో హజీకి సోవాలుగా పిలిచే అరుదైన గోల్డ్ ఫిష్ (Gold fish) లు పడ్డాయి.
వీటికి తూర్పు ఆసియాలో మంచి మార్కెట్ ఉంది. శుక్రవారం వీటని కరాచీ హార్బర్లో వేలం వేయగా ఒక్కో చేప 1కోటి చొప్పున 7కోట్ల పాకిస్థాన్ రూపాయలు వచ్చాయి. దీంతో అతడి ఆనందానికి హద్దుల్లేకుండా పోయింది. సోవా చేపలు సముద్రం అట్టడుగున ఉంటాయి. గుడ్లు పెట్టే సమయంలో మాత్రమే పైకి వస్తాయని.. వీటి స్రావాలు ఔషధ గుణాలు కలిగి ఉంటాయి. వీటి నుంచి తీసిన సన్నటి దారం ఆపరేషన్లలో ఉపయోగిస్తారు. 40కేజీల బరువు, 1.5 మీటర్ల పొడవు వరకూ ఉంటాయి.