Balakrishna : నందమూరి బాలకృష్ణ ప్రస్తుతం అనిల్ రావిపూడి దర్శకత్వంలో సినిమాను చేస్తున్న విషయం తెల్సిందే. బాలయ్య పుట్టిన రోజు సందర్భంగా సినిమా యొక్క టైటిల్ ను రివీల్ చేసేందుకు గాను దర్శకుడు అనిల్ రావిపూడి మాసివ్‌ ఏర్పాట్లు చేస్తూ బాలయ్య ఫ్యాన్స్ తో పాటు అందరిని కూడా ఆశ్చర్యపర్చబోతున్నాడు.
బాలయ్య 108వ సినిమా ఇది. అందుకు గాను ఈ సినిమా యొక్క టైటిల్ ను తెలుగు రాష్ట్రాల్లో ఒకేసారి 108 భారీ హోర్డింగ్ ల ద్వారా రివీల్ చేయబోతున్నారు. తెలుగు రాష్ట్రాల్లో హోర్డింగ్స్ ఏర్పాటు దాదాపుగా పూర్తి అయ్యింది. ఇప్పటి వరకు టైటిల్ విషయంలో చాలా సీక్రెట్‌ గా మేకర్స్ ఉన్నారు.
పుట్టిన రోజుకు రెండు రోజుల ముందే అంటే రేపే ఈ సినిమా యొక్క టైటిల్ ను రివీల్ చేసేందుకు ముహూర్తం ఖరారు అయ్యింది. బాలయ్య కు జోడీగా ఈ సినిమాలో కాజల్ అగర్వాల్‌ నటిస్తున్న విషయం తెల్సిందే. ఇక బాలయ్య కూతురు పాత్రలో శ్రీలీల నటిస్తున్న కారణంగా అంచనాలు భారీగా ఉన్నాయి.
అంచనాలకు తగ్గట్లుగా ఈ సినిమా ఉంటుందా అనేది చూడాలి. ఇదే ఏడాదిలో సినిమా విడుదల అవుతుంది. బాలయ్య గత చిత్రాలు సూపర్‌ హిట్‌ అయిన నేపథ్యంలో ఈ సినిమా పై అంచనాలు ఆకాశాన్ని తాకేలా ఉన్నాయి అనడంలో సందేహం లేదు.
