రాశి ఫలాలు: ఆదివారం 20 నవంబర్ 2022

పంచాంగం

శ్రీ శుభకృత్ నామ సంవత్సరం దక్షిణాయణం శరద్ఋతువు కార్తీక మాసం

సూర్యోదయం: ఉ.6:09
సూర్యాస్తమయం: సా.5:26
తిథి: కార్తీక బహుళ ఏకాదశి ఉ.7:18 వరకు తదుపరి ద్వాదశి
సంస్కృతవారం:భానువాసరః (ఆదివారం)
నక్షత్రము:హస్త రా.10:44 వరకు తదుపరి చిత్త
యోగం: ప్రీతి రా.10:10 వరకు తదుపరి ఆయుష్మాన్
కరణం:భాలవ ఉ.7:00 వరకు తదుపరి కౌలవ
దుర్ముహూర్తం: సా.4:25 నుండి 5:13 వరకు
వర్జ్యం : ఉ.6:36 నుండి 8:05 వరకు
రాహుకాలం: .సా.4:30 నుండి 6:00 వరకు
యమగండం:మ.12:00 నుండి 1:30 వరకు
గుళికా కాలం :మ.2:48 నుండి సా. 4:12 వరకు
బ్రాహ్మీ ముహూర్తం: తె.4:51 నుండి 5:39వరకు
అమృతఘడియలు: సా.4:28 నుండి రా. 6:07 వరకు
అభిజిత్ ముహూర్తం: ఉ.11:38 నుండి మ.12:23 వరకు

ఈరోజు. (20-11-2022) రాశి ఫలితాలు

మేషం: చేపట్టిన పనులలో జాప్యం ఉన్నప్పటికీ నిదానంగా పూర్తిచేస్తారు. ఆర్థిక పరిస్థితి కొంత వరకు అనుకూలిస్తుంది. దూరపు బంధువుల నుండి వివాదాలకు సంబంధించిన కీలక సమాచారం అందుతుంది. ఆధ్యాత్మిక చింతన పెరుగుతుంది. వృత్తి ఉద్యోగ విషయాల్లో అధికారులతో చర్చలు సఫలమౌతాయి.

వృషభం: కుటుంబ సభ్యులు మీ మాటతో విభేదిస్తారు. ఇతరులతో ఊహించని వివాదాలు కలుగుతాయి. వ్యాపారమున విలువైన వస్తువుల విషయంలో మరింత జాగ్రత్త అవసరం. దైవ చింతన పెరుగుతుంది. సంతాన ఆరోగ్య విషయంలో వైద్య సంప్రదింపులు అవసరమౌతాయి. వృత్తి ఉద్యోగాలలో పని ఒత్తిడి పెరుగుతుంది.

మిథునం: వృత్తి వ్యాపారాలలొ మిశ్రమ ఫలితాలుంటాయి. శారీరక మానసిక అనారోగ్య సమస్యలు బాధిస్తాయి. చేపట్టిన ప్రతి పనిలో అడ్డంకులు తప్పవు. ఆధ్యాత్మిక సేవా కార్యక్రమాలలో పాల్గొంటారు. మాతృ వర్గ బంధువులతో మాటపట్టింపులు ఉంటాయి. ఋణదాతల నుండి ఒత్తిడి పెరుగుతుంది.

కర్కాటకం: కుటుంబ వ్యవహారాలలో మీ నిర్ణయాలు అందరికి నచ్చేవిధంగా ఉంటాయి. నూతన వస్త్రాభరణాలు కొనుగోలు చేస్తారు. అన్ని వైపుల నుండి అనుకూలత పెరుగుతుంది. వృత్తి వ్యాపారాలు సజావుగా సాగుతాయి. సోదరులతో స్థిరస్తి వివాదాలు పరిష్కారమౌతాయి. నిరుద్యోగులకు నూతన అవకాశాలు అందుతాయి.

సింహం: కుటుంబ సభ్యులతో మాటపట్టింపులుంటాయి. ప్రారంభించిన పనులలో జాప్యం కలుగుతుంది. వృత్తి వ్యాపారాలలలో స్వంత ఆలోచనలు కలసి రావు. దైవ చింతన కలుగుతుంది ధనపరంగా ఇబ్బందులు తప్పవు. ఇంటా బయట దీర్ఘకాలిక సమస్యలు చికాకు పరుస్తాయి.

కన్య: ఇంటాబయట సమస్యలు ఉన్నప్పటికీ నిదానంగా పరిష్కరించుకుంటారు. ఆర్థిక పరిస్థితి పురోగమిస్తుంది. ఉద్యోగమున అధికారులతో మాట్లాడేటప్పుడు జాగ్రత్త వహించాలి. స్థిరాస్తి కొనుగోలు ప్రయత్నాలు ఫలిస్తాయి. వృత్తి వ్యాపారాలలో నష్టాలు అధిగమించి లాభాల పొందుతారు

తుల: నిరుద్యోగుల ప్రయత్నాలు నిరాశ కలిగిస్తాయి. వ్యాపారాల్లో స్వల్ప నష్టాలు తప్పవు. కీలక వ్యవహారాలలో ఊహించని ఇబ్బందులు ఎదురవుతాయి. వృత్తి ఉద్యోగాలలో ఇతరులతో తొందరపడి మాట్లాడటం మంచిది కాదు. దూర దేశ సంచారం చేయవలసి వస్తుంది. అనుకోని విధంగా ఖర్చులు పెరుగుతాయి.

వృశ్చికం: శారీరక మానసిక ప్రశాంతత లభిస్తుంది. ఇతరుల సహాయ సహకారాలతో కొన్ని సమస్యల నుంచి బయటపడతారు. ధనాదాయ మార్గాలు పెరుగుతాయి. సంతానానికి నూతన విద్యా ఉద్యోగ అవకాశాలు లభిస్తాయి. వృత్తి ఉద్యోగాలలో అధికారుల అనుగ్రహం కలుగుతుంది. దీర్ఘకాలిక రుణాలు తీర్చగలుగుతారు.

ధనస్సు: నిరుద్యోగులు లభించిన అవకాశాలను సద్వినియోగం చేసుకోవాలి. చుట్టుపక్కల వారితో స్ధిరాస్తి వివాదాలు కలుగుతాయి. ఇంటా బయట గౌరవ మర్యాదలు పెరుగుతాయి. ఉద్యోగస్తులు ఉన్నత పదవులు పొందుతారు. కొన్ని వ్యవహారాలలో ఆత్మవిశ్వాసంతో స్థిర నిర్ణయాలు చేసి లాభాలు అందుకుంటారు.

మకరం: ఆర్థికంగా అనుకూల వాతావరణం ఉంటుంది. సంతాన ఆరోగ్యం విషయంలో శుభవార్తలు అందుతాయి. సంఘంలో కీర్తి ప్రతిష్టలు పెరుగుతాయి. గృహనిర్మాణ పనులకు శ్రీకారం చుడతారు. సంతాన వివాహ ఉద్యోగ ప్రయత్నాలు ఫలిస్తాయి. వృత్తి వ్యాపారాలలో ఆశించిన లాభాలు అందుకుంటారు.

కుంభం: వృత్తి ఉద్యోగాలలో నిలకడ లోపిస్తుంది. అనుకున్న సమయానికి అనుకున్న రీతిలో సౌకర్యాలు లభించక ఇబ్బందిపడతారు. కొందరి ప్రవర్తన మానసికంగా మరింత చికాకు పరుస్తుంది. దూరప్రయాణాలు వాయిదా పడుతాయి. ధన విషయంలో ఇతరులకు మాట ఇవ్వడం మంచిది కాదు.

మీనం: గృహమునకు బంధుమిత్రుల ఆగమనం ఆనందం కలిగిస్తుంది. కుటుంబ సభ్యుల నుండి శుభవార్తలు అందుతాయి. చేపట్టిన పనులు సకాలంలో పూర్తవుతాయి. వృత్తి ఉద్యోగాలలో సహోద్యోగుల సహాయంతో కొన్ని పనులు పూర్తి చేస్తారు. నూతన వాహనం కొనుగోలు చేస్తారు. ఇంటా బయటా మీ మాటకు విలువ పెరుగుతుంది.