వరల్డ్స్‌ బిగ్గెస్ట్‌ స్క్రీన్‌ ముందు ‘నాటు నాటు’ రచ్చ.. ఇది మన సినిమా సత్తా

టాలీవుడ్ జక్కన్న రాజమౌళి దర్శకత్వంలో తెరకెక్కి కొన్ని నెలల క్రితం ప్రేక్షకులు ముందుకు వచ్చిన ఆర్ఆర్ఆర్ సినిమా అంతర్జాతీయ స్థాయిలో ఎన్నో గుర్తింపులను.. గౌరవాలను సొంతం చేసుకున్న విషయం తెలిసిందే. తాజాగా బియాండ్ ఫెస్ట్ లో భాగంగా వరల్డ్‌ బిగ్గెస్ట్ సిల్వర్ స్క్రీన్ లో ఈ సినిమా స్క్రీనింగ్ జరిగింది. రాజమౌళి కూడా ఈ స్క్రీనింగ్ కి హాజరయ్యారు. ప్రపంచ వ్యాప్తంగా సినీ ప్రముఖులు హాజరయ్యే ఈ బిగ్గెస్ట్ స్క్రీనింగ్ ఇండియన్‌ సినిమా స్థాయిని పెంచిందనడంలో సందేహం లేదు.

అదంతా ఒక్క ఎత్తు అయితే తెలుగు రాష్ట్రాల్లో బి, సి థియేటర్ లలో స్క్రీన్స్ ముందు అభిమానులు డాన్స్ చేసినట్టుగా వరల్డ్‌ బిగ్గెస్ట్ సిల్వర్ స్క్రీన్ ముందు నాటు నాటు స్టెప్స్ కొందరు వేయడం అక్కడున్న వారికి ఆశ్చర్యాన్ని కలిగించింది.

ఇలాంటి సంఘటనలు ఇండియాలో మాస్ ఆడియన్స్‌ థియేటర్లలో కనిపిస్తాయి. సింగిల్ స్క్రీన్ థియేటర్లలో అప్పుడప్పుడు కనిపిస్తాయి కానీ ఇలా వరల్డ్‌ బిగ్గెస్ట్ సిల్వర్ స్క్రీన్ ముందు మాత్రం జరిగి ఉండదు. నాటు నాటు స్టెప్స్ తో అక్కడ రచ్చ చేశారు. కేవలం రాజమౌళి సినిమాకే ఇది సాధ్యమైంది అనడంలో సందేహం లేదు. ఇది మన తెలుగు సినిమా సత్తా.. ఇండియన్స్‌ అంతా గర్వించదగ్గ మూమెంట్ అనడంలో ఎలాంటి అనుమానం లేదు.

#RRRMovie fans ran to the front of the theater for “Naatu Naatu” while director S. S. Rajamouli watched the film. #RRRforOscars #OscaRRRs https://t.co/rG2BiaGyHT pic.twitter.com/l4TpXsg0qu

— Los Angeles Times (@latimes) October 1, 2022