బిగ్ బాస్ తెలుగు: గీతూ రాయల్ ఓవరాక్షన్ వేరే లెవల్.!

‘ఆట రానోళ్ళు కూడా, ఆట గురించి మాట్లాడుతున్నారు..’ అంటూ చలాకీ చంటి మీద గీతూ రాయల్ నోరు పారేసుకుంది. కెప్టెన్సీ పోటీదారులకు సంబంధించిన టాస్క్ సందర్భంగా చంటి – గీతు మధ్య జరిగిన రచ్చ బిగ్ బాస్ వీక్షకుల్ని ఆశ్చర్యపరిచింది. హౌస్‌లో ఆట రావడం, రాకపోవడం అన్నది అసలు ప్రశ్నే కాదు. ఎలిమినేషన్ కోసం జరిగే నామినేషన్ ప్రక్రియ చాలా సిల్లీగా కనిపిస్తుంటుంది ప్రతిసారీ.

సిల్లీ రీజన్స్‌కి నామినేట్ అవడం, అంతకన్నా సిల్లీగా హౌస్ నుంచి ఎలిమినేట్ అవడం జరుగుతుంటాయి. అదే బిగ్ బాస్ ప్రత్యేకత. ప్రత్యేకత అనడం కంంటే, బిగ్ బాస్ పైత్యం అనొచ్చేమో. ఈమాత్రందానికి ఆట రావడమేంటి.? రాకపోవడమేంటి.? ‘నువ్వు ఇంకా పూర్తిగా చూడలేదు.. చూస్తావ్..’ అంటూ చంటి ఏదో చెప్పేశాడు.

‘కెప్టెన్సీ అంటే, రూలింగ్ కోసం.. నేను ఎక్కడైనా రూల్ చేయడానికే ప్రాధాన్యతనిస్తాను..’ అంటూ గీతూ రాయల్ ఇంకో సందర్భంలో చెప్పుకొచ్చింది. రూల్ చేయాలనుకునేవాళ్ళు బిగ్ బాస్‌కి ఎందుకొస్తారు.? కెప్టెన్ అయితే ఆర్డర్ వేసి పని చేయించుకోవచ్చట. అసలు గీతూ రాయల్ మానసిక స్థితి సరిగ్గానే వుందా.? బిగ్ బాస్ ఆదేశాల మేరకే ఎవరైనా పని చేయాల్సి వుంటుంది.. కెప్టెన్ సహా.

కంటెస్టెంట్లు ఏవన్నా పొరపాట్లు చేస్తే, బిగ్ బాస్ పనిష్మెంట్ ఇచ్చేది కెప్టెన్‌కే. సరే, ఆ కెప్టెన్సీకి కొన్ని ప్రత్యేకతలుంటాయ్ అన్నది వేరే చర్చ. ఆ ప్రత్యేకతల వల్ల ఓ వారం ఎలిమినేషన్ ప్రాసెస్ నుంచి తప్పించుకోవచ్చంతే. ‘ఇమ్యూనిటీ కోసం కాదు రూలింగ్ కోసం..’ అని గీతూ రాయల్ చెప్పడంలోనే ఆమె అహంకారం ఏపాటిదో అర్థం చేసుకోవచ్చు.

గతంలోనే బెటర్.. కాస్తో కూస్తో ఏదో ఒక టాలెంట్ వున్నోళ్ళు, దాన్ని బిగ్ బాస్ వేదికగా చాటుకోవడానికి ప్రయత్నించారు. కానీ, ఇప్పుడు ఆ పరిస్థితి లేదు. ఎవరి టాలెంట్ కూడా సరిగ్గా బయటకు రావడంలేదు. పైగా, ఈ అనవసరపు రొట్ట రచ్చ. చలాకీ చంటి నుంచి ఎంత ఎంటర్టైన్మెంట్ ఆశిస్తాం.? ప్చ్, ఏమీ లేదు. ఫైమా కూడా కమెడియనే.. ఆమె నుంచి కూడా ఏమీ లేదు.. ఈ విషయం ఇంటిలోని సభ్యులే అనుకోవటం కొస మెరుపు..
.
హౌస్‌లో జరుగుతున్న విషయాలకు సంబంధించి టెలికాస్ట్ అవుతున్న కంటెంట్ కూడా అర్థం పర్థం లేని అంశాలతో కూడుకున్నదే. ఏ గేమ్ కి సంబంధించి.. సామాన్య వీక్షకులకు ఏదైనా అర్థం అయితే ఒట్టు.. అందుకే, ఈసారి ఓటింగ్ కూడా చాలా దారుణంగా పడిపోయింది. కంటెస్టెంట్ల పెయిడ్ బ్యాచ్ సోషల్ మీడియాలో చేసే రచ్చ తప్ప, ఈసారి బిగ్‌బాస్‌ని ఎవరూ పట్టించుకోవడంలేదు.

ఇదిలా వుంటే, గీతూ రాయల్ అనూహ్యంగా పాపులారిటీ పెంచుకున్నా, దాన్ని ఆమె స్వయంగా తన ఆటిట్యూడ్‌తో నాశనం చేసుకుంటోంది.