బిగ్ బాస్ 5 లో మొత్తానికి టికెట్ టు ఫినాలే టాస్క్ ముగిసింది. ఈ టాస్క్ లో భాగంగా మొన్నటి ఎపిసోడ్ లో ముగ్గురు ఎలిమినేట్ అయిన విషయం తెల్సిందే. కాజల్, ప్రియాంక, షణ్ముఖ్ ఎలిమినేట్ అవ్వగా ఈ టాస్క్ లో తర్వాతి రౌండ్స్ లో సిరి, మానస్, సన్నీ, శ్రీరామ్ లు వెళ్లారు. నాలుగో రౌండ్ కు వారు నలుగురు కలిసి ఫోకస్ ను ఎంచుకున్నారు. ఇందులో భాగంగా బిగ్ బాస్ డిఫరెంట్ సౌండ్స్ ను మానిటర్ లో ప్లే చేస్తారు. దాన్ని గుర్తుపెట్టుకుని ఈ నలుగురు బోర్డ్స్ పై రాయాల్సి ఉంటుంది. ఈ టాస్క్ లో సిరి నాలుగో స్థానంలో నిలవగా శ్రీరామ్ మూడో స్థానంలో, మానస్, సన్నీ మొదటి స్థానంలో నిలిచారు. దీంతో పాయింట్స్ మానస్ కు 25, శ్రీరామ్ 21, సిరికు 19, సన్నీకి 17గా మారింది. ఈ టాస్క్ ఆడుతున్న సమయంలో కాజల్ పూర్తిగా ఇరిటేట్ చేసింది. సమాధానాలను ముందే చెప్పేయడం, గట్టి గట్టిగా మాట్లాడడం చేయడంతో తన ఫ్రెండ్ అయిన సన్నీకే చాలా కోపం వచ్చింది.
ఇక ఐదవ టాస్క్ గా యాక్యురసీని ఎంచుకోగా అందులో ఒక ఎలక్ట్రిక్ బోర్డ్ ఇచ్చి, దానికి చాలా బల్బ్స్ ను అమర్చారు. ఇద్దరు ఇద్దరుగా ఈ టాస్క్ లో పాల్గొనాల్సి ఉంటుంది. టాస్క్ లక్ష్యం ప్రత్యర్థి కంటే ముందుగా అన్నీ బల్బ్స్ వెలిగేలా చూడటం. ఈ టాస్క్ లో శ్రీరామ్, సిరి తరుపున షణ్ముఖ్ ఆడాడు. ఈ టాస్క్ లో మానస్ నాలుగో స్థానంలో నిలవగా, సిరి మూడవ స్థానంలో సన్నీ రెండవ స్థానంలో శ్రీరామ్ మొదటి స్థానంలో నిలిచాడు.
ఈ రౌండ్ పూర్తయ్యాక సిరి, సన్నీ కూడా ఎలిమినేట్ అయ్యారు. ఫైనల్ టాస్క్ శ్రీరామ్, మానస్ మధ్య జరిగింది. వీరిద్దరికీ ఒక సాండ్ బ్యాగ్ ఇచ్చి నిలువుగా పేర్చిన నాలుగు పలకలను ఆ సాండ్ బ్యాగ్ తో కుర్చీలో కూర్చునే పగలకొట్టాల్సి ఉంటుంది. ఈ టాస్క్ లో గెలిచిన వ్యక్తి ఇంటి ఫస్ట్ ఫైనలిస్ట్ అవుతాడు. శ్రీరామ్ ఈ టాస్క్ ను కొంత తెలివితో ఆడాడు. అందులోనూ మానస్ సాండ్ బ్యాగ్ ఒక చోట స్ట్రక్ అయిపోవడంతో గేమ్ ఆగిపోతుంది. ఏదైతేనేం ఇంటి మొదటి ఫైనలిస్ట్ గా శ్రీరామ్ నిలిచాడు.
నిజానికి శ్రీరామ్ కు టికెట్ టు ఫినాలే అవసరం లేదు. ఎలాగైనా తను ఫైనల్స్ కు చేరుకుంటాడు. అది సిరి లేదా మానస్ కు వచ్చి ఉంటే వారికి ఉపయోగపడేది. దీని వల్ల ఇప్పుడు నెక్స్ట్ వీక్ ఎలిమినేషన్ పరంగా సిరికి డేంజర్ ఉందని చెప్పాలి.