తుది శ్వాస విడిచిన లెజండరీ రచయిత సిరివెన్నెల

ప్రముఖ రచయిత సిరివెన్నెల సీతారామశాస్త్రి ఇక లేరు. కొద్దిసేపటి క్రితం ఆయన తుదిశ్వాస విడిచారు. అనారోగ్యం కారణంగా ఆయన గత కొన్ని రోజులుగా హైదరాబాద్ కిమ్స్ ఆసుపత్రిలో చికిత్స పొందుతున్నారు. నవంబర్ 24న న్యుమోనియా కారణంగా సిరివెన్నెలను ఆసుపత్రిలో జాయిన్ చేసారు.

కిమ్స్ లోని వైద్య బృందం ఆయన్ను స్పెషల్ కేర్ తో ట్రీట్ చేస్తూ వచ్చాయి. ఆయన ఊపిరితిత్తులకు ECMO సపోర్ట్ ను అందించి ఐసియూలో ఉంచి చికిత్స అందిస్తూ వచ్చారు. అయితే సాయంత్రం 4 గంటల 7 నిమిషాలకు సిరివెన్నెల ఈ లోకాన్ని విడిచి వెళ్లిపోయారు.

ఎన్నో వందల చిత్రాల్లో సిరివెన్నెల తన సాహిత్యంతో అందరినీ అబ్బురపరిచారు. ఎన్నో రొమాంటిక్, విప్లవాత్మక, సందేశాత్మక, ప్యాథెటిక్ పాటలు అందించి మనలను ఎంటర్టైన్ చేసారు. సిరివెన్నెల లేని లోటు నిజంగా పూడ్చలేనిది. ఆయన ఆత్మకు శాంతి కలగాలని ఆ భగవంతుడ్ని మనస్ఫూర్తిగా కోరుకుంటున్నాం.