ప్రతిపక్ష నేతగా వున్న సమయంలో రాష్ట్రానికి విపత్తులు వచ్చినప్పుడు, అప్పటి ప్రభుత్వాన్ని గట్టిగా నిలదీసేశారు వైఎస్సార్సీపీ అధినేత వైఎస్ జగన్ మోహన్ రెడ్డి. మరి, అప్పుడు చేసిన వ్యాఖ్యల్ని, అప్పుడు ప్రజల పట్ల ప్రదర్శించిన అదే మమకారాన్ని గుర్తు చేసుకుని.. ఇప్పుడు ముఖ్యమంత్రిగా వున్న సమయంలో తలెత్తుతున్న విపత్తుల నేపథ్యంలో బాధిత ప్రజల్ని ఆదుకోవాలి కదా.?
‘నేను గనుక వరద ప్రభావిత ప్రాంతాల్లో పర్యటిస్తే, సమస్యలొస్తాయి.. ప్రోటోకాల్ నేపథ్యంలో అధికారులు ఇబ్బందులు పడాల్సి వస్తుంది..’ అని ముఖ్యమంత్రి పదవిలో వున్న వైఎస్ జగన్ మోహన్ రెడ్డి వ్యాఖ్యానించడం ఎంతవరకు సబబు.?
పొరుగు రాష్ట్రంలో ఓ నాయకుడి ఇంట్లో పెళ్ళి వేడుకకు హాజరైన వైఎస్ జగన్ మోహన్ రెడ్డి, తన సొంత జిల్లాలో వర్షాలు, వరదల కారణంగా అపార నష్టం వాటిల్లితే, బాధిత ప్రజానీకాన్ని ఎందుకు పరామర్శించలేదు.? అని విపక్షాలు ప్రశ్నిస్తున్నాయి. విపక్షాల ప్రశ్నల్లో విషయం వుంది.. ఆ ప్రశ్నలకు ముఖ్యమంత్రి వైఎస్ జగన్ మోహన్ రెడ్డి సమాధానం చెప్పి తీరాలి.
ఇక, టీడీపీ విషయానికొస్తే.. అధికారంలో వున్నప్పుడు వరదలు కావొచ్చు, తుపాన్లు కావొచ్చు.. విపత్తులు సంభవించిన ప్రతిసారీ పబ్లిసిటీ స్టంట్లే చేసింది. చంద్రబాబు సొంత పబ్లిసిటీ కోసం ఆయా విపత్తుల్ని అత్యద్భుతంగా వాడేసుకున్న చంద్రబాబు, ఇప్పుడు ప్రతిపక్ష నేత హోదాలో.. అంతకు మించిన హంగామా చేస్తున్నారు.
హుద్ హుద్ తుపాను బాధితులు ఇప్పటికీ ప్రభుత్వ సాయం కోసం ఎదురుచూస్తేనే వున్నారు. వైఎస్ జగన్ హయాంలో.. గడచిన రెండేళ్ళలో సంభవించిన విపత్తుల కారణంగా బాధితులైనవారూ సహాయం కోసం ప్రభుత్వం వైపు ఆశగా చూడాల్సి వస్తోంది.
కేంద్రం మెడలు వంచి అప్పటి ప్రభుత్వం రాష్ట్రానికి విపత్తు సాయం తెప్పించలేదని ప్రతిపక్ష పార్టీగా అప్పట్లో నినదించి, విమర్శించిన వైఎస్సార్సీపీ, ఇప్పుడు అధికారం వుండి ఏం చేస్తోంది.? ‘చంద్రబాబు హయాంలో ఏం చేశారు.?’ అంటూ ఎదురు ప్రశ్నించడం వల్ల రాష్ట్ర ప్రజలకు ఇసుమంతైనా లాభం చేకూర్చదు కదా.?
ఆత్మస్తుతి, పర నింద తప్ప అప్పట్లో టీడీపీ అయినా, ఇప్పుడు వైసీపీ అయినా.. వరదలు, విపత్తుల వేళ బాధితుల్ని చిత్తశుద్ధితో ఆదుకున్న పరిస్థితి లేదు. బురద రాజకీయం విషయంలో మాత్రం, టీడీపీ అలాగే వైసీపీ.. దొందూ దొందే.!
115900 342964I really like this information presented and possesses given me some type of resolve forpersistance to succeed i actually enjoy seeing, so sustain the superb work. 270847
915128 186278I genuinely prize your work , Fantastic post. 981633