ఆంధ్రప్రదేశ్ రాజకీయాలకీ, ఇసుక కుంభకోణాలకీ విడదీయరాని బంధం వుంది. ఏ పార్టీ అధికారంలో వున్నాసరే.. ఇసుక కుంభకోణాలు సర్వసాధారణమైపోయాయి. వైఎస్ రాజశేఖర్రెడ్డి హయాంలో మొదలైంది ఈ ఇసుక కుంభకోణాల కథ. చంద్రబాబు హయాంలో అది మూడు పువ్వులు ముప్పయ్ ఆరు కాయలుగా వర్దిల్లింది. ఇప్పుడేమో.. 33 పువ్వులు 3600 కాయలు అన్నట్లు తయారయ్యిందట పరిస్థితి.
కొత్త ఇసుక విధానం.. అంటూ కొన్నాళ్ళపాటు రాష్ట్రంలో ఇసుక లభ్యత లేకుండా చేసింది వైఎస్ జగన్ ప్రభుత్వం. ఆ దెబ్బకి భవన నిర్మాణ రంగ కార్మికులు పలువురు బలవన్మరణాలకు పాల్పడాల్సి వచ్చింది. అయితే, ‘ఇసుక కొరతకు కారణం వరదలు..’ అంటూ ప్రభుత్వ పెద్దలు అర్థం పర్థం లేని కబుర్లు చెప్పారనుకోండి.. అది వేరే విషయం.
ఇక, ఇప్పుడు కూడా ఇసుక దొరకడంలేదట. కరోనా వైరస్ దీనికి కారణం కాదు.. ఇసుకాసురులే కారణం. ఇసుక మాఫియా అనే వైరస్ దెబ్బకి, ఇసుక మాయమైపోతోంది. లారీలు మాత్రం పెద్దయెత్తున ఇసుకను తరలిస్తున్నాయి. అదంతా ఎక్కడికి వెళుతుందో ఎవరికీ తెలియని పరిస్థితి. ఈ విషయమై ఇప్పటికే జనసేనాని పవన్ కళ్యాణ్, ప్రభుత్వాన్ని నిలదీస్తోన్న విషయం విదితమే.
తాజాగా, అధికార పార్టీకి చెందిన నేతలు కొందరు, ఇసుక కొరతపై గళం విప్పుతున్నారు. ‘ఇసుక ఏమయిపోతోందో అర్థం కావడంలేదు.. ఈ దుస్థితి ఖచ్చితంగా ప్రభుత్వం పట్ల ప్రజల్లో వ్యతిరేకతను పెంచుతుంది..’ అంటూ అధికార పార్టీకి చెందిన నేతలు, ప్రజా ప్రతినిథులు.. ప్రభుత్వ పెద్దల దృష్టికి పరిస్థితి తీవ్రతను తీసుకెళ్ళారు కూడా. ఇసుక అంటే ఆషామాషీ వ్యవహారం కాదు. ఒకప్పుడు నదీ తీరాల్లో ఉచితంగా లభించే ఇసుక.. ఇప్పుడు అత్యంత ఖరీదైన వ్యవహారంగా మారిపోయింది. ఎంత ఖర్చు చేద్దామన్నాసరే, అవసరాల మేర ఇసుక దొరకడంలేదంటే.. ఈ పరిస్థితిని ఏమనుకోవాలి.?
వైసీపీ ఎంపీ రఘురామకృష్ణంరాజు, ఇసుక కొరతపై ప్రభుత్వంపై సంచలన వ్యాఖ్యలు చేశారు. ఎంపీని అయి వుండి కూడా తాను ఈ విషయంలో ఏమీ చేయలేకపోతున్నాననీ, నియోజకవర్గ ప్రజలే కాదు, అత్యంత సన్నిహితులు కూడా ఇసుక సమస్యతో బాధపడుతున్నారని రఘురామకృష్ణంరాజు ఆవేదన వ్యక్తం చేయడం గమనార్హం.
ఇసుక కుంభకోణంపై గతంలో గుంటూరు జిల్లాకి చెందిన ఇద్దరు అధికార పార్టీ ప్రజా ప్రతినిథుల మధ్య గతంలో వివాదం తలెత్తితే.. అప్పట్లో ఆ వ్యవహారాన్ని చాలా తెలివిగా పార్టీ పెద్దలు ‘డైల్యూట్’ చేసిన విషయం విదితమే. ఇంతకీ, ఇప్పుడు ఇసుకని మింగేస్తున్న ఆ ఇసుకాసురులెవరు.? ప్రభుత్వానికి చిత్తశుద్ధి వుంటే.. మాయమైన ఇసుక తాలూకు లెక్కల్ని ప్రజల ముందుంచాలి.
677262 294584Thank you for your quite good details and feedback from you. san jose car dealers 864030
826703 38077This really is a good topic to talk about. Sometimes I fav stuff like this on Redit. This post probably wont do well with that crowd. I will likely be positive to submit something else though. 729720