రాష్ట్రంలో రోడ్లెందుకు పాడైపోయాయ్.? పవన్ కళ్యాణ్ మూడు పెళ్ళిళ్ళు చేసుకున్నాడు. వైఎస్ వివేకానందరెడ్డిని ఎవరు చంపారు.? పవన్ కళ్యాణ్ మూడు పెళ్ళిళ్ళు చేసుకున్నాడు. కోడి కత్తి కేసు ఏమైంది.? పవన్ కళ్యాణ్ మూడు పెళ్ళిళ్ళు చేసుకున్నాడు. రాష్ట్ర రాజధాని పరిస్థితేంటి.? రాష్ట్రం అప్పుల కుప్పగా ఎందుకు మారిపోయింది.? ఇలా ఏ ప్రశ్న అడిగినా, అన్నిటికీ అధికార పార్టీ నుంచి జనసేన మీదకు దూసుకొచ్చేది ఒకటే ప్రశ్న.. అదే పవన్ కళ్యాణ్ మూడు పెళ్ళిళ్ళు చేసుకున్నాడని.
కోడి కత్తి కేసు ఎన్ఐఏ విచారిస్తోంది.. అంతర్వేది రధం దగ్ధం వ్యవహారాన్ని సీబీఐకి అప్పగించేశాం.. సుగాలి ప్రీతి కేసు కూడా సీబీఐ విచారణకే ఇచ్చేశాం.. వైఎస్ వివేకానందరెడ్డి హత్య కేసుని సీబీఐ విచారిస్తోంది.. ఇదీ అధికార పార్టీ చెప్పే మాట. ఇంకెందుకు, ఆంధ్రప్రదేశ్లో ప్రభుత్వం, వివిధ వ్యవస్థలు వున్నట్టు.? ఇది సామాన్యుడి ప్రశ్న.
నిన్న వైసీపీ నుంచి చాలామంది నేతలు, పవన్ కళ్యాణ్ మీద విమర్శల కోసం వచ్చేశారు. పవన్ కళ్యాణ్ చేసిన తప్పేంటంటే, రాష్ట్రంలో రోడ్ల దుస్థితి మీద ప్రశ్నించడం. ఈ క్రమంలో కొన్ని రాజకీయ విమర్శలు పవన్ కళ్యాణ్ నుంచి వచ్చాయి, వస్తాయి కూడా.
మంత్రి కన్నబాబు విషయాన్నే తీసుకుందాం.. సొంత జిల్లాలో రోడ్ల దుస్థితికి ఓ మంత్రిగా బాధ్యత తీసుకోవాలి కదా.? ‘నాకేంటి సంబంధం.?’ అన్నట్టు రోడ్ల దుస్థితి గురించి మాట్లాడకుండా ఏవేవో మాట్లాడేశారు.. అందులో కులాల ప్రస్తావన తీసుకొస్తూ, ముఖ్యమంత్రి కులాలకూ, మతాలకూ అతీతుడంటూ ప్రవచనాలు చెప్పేశారు కన్నబాబు.
రెండున్నరేళ్ళగా తూర్పుగోదావరి జిల్లాలో రోడ్లు నరకానికి కేరాఫ్ అడ్రస్ అయిపోయాయి. ఎన్నో ప్రాణాలు దిక్కుమాలిన రోడ్ల కారణంగా గాల్లో కలిసిపోయాయ్. రెండు చోట్లా ఓడిపోయిన ఓ పార్టీ అధినేత.. రోడ్డెక్కి శ్రమదానం చేసినప్పుడు, అధికార పార్టీ నేతలెందుకు చేయకూడదు.? శ్రమదానం చేయనక్కర్లేదు, ప్రభుత్వం చేయాల్సిన పనిని చేయిస్తే సరిపోతుంది. కానీ, అలా చెయ్యరుగాక చెయ్యరు.
సంక్షేమ పథకాలు ‘బిచ్చంలా పారేస్తున్నాం’.. జనం చచ్చినట్లు తమకే మద్దతిస్తారన్న అహంకారం అధికార పార్టీలో పెరిగాక.. ప్రభుత్వంలో వున్నవారు, ప్రజల కోసం ఎందుకు పని చేస్తారు.?
244019 400888Hey this really is kinda of off topic but I was wanting to know if blogs use WYSIWYG editors or in case you need to manually code with HTML. Im starting a weblog soon but have no coding experience so I wanted to get advice from someone with experience. Any assist would be greatly appreciated! 2183
267055 555435Yay google is my king helped me to uncover this fantastic internet website ! . 51027