ఏపీలో అధికార, ప్రతిపక్ష పార్టీల నడుమ నెలకొన్న వైరం శాసనమండలి మనుగడకు ముప్పు తెచ్చిన నేపథ్యంలో రెండు పార్టీల మధ్య రాజీ కుదర్చడానికి ప్రయత్నాలు ముమ్మరమయ్యాయి. ఈ బృహత్తర బాధ్యతను వామపక్ష పార్టీలు నెత్తికెత్తుకున్నాయి. అధికార పార్టీకి కావాల్సింది కూడా ఇదే. మండలి అవసరం వారికి కూడా ఉన్న నేపథ్యంలో రద్దు అస్త్రాన్ని ప్రయోగించడం ద్వారా టీడీపీ ఎమ్మెల్సీలను తన దారికి తెచ్చుకోవాలన్నది ఆ పార్టీ వ్యూహం. ఇది పని చేస్తున్నట్టుగానే కనిపిస్తోంది.
తమకు చట్టసభల్లో ప్రాతినిధ్య కల్పిస్తున్న మండలిని రద్దు కాకుండా చూసుకునేందుకు వామపక్ష పార్టీలు రంగంలోకి దిగాయి. పీడీఎఫ్ కు చెందిన తొమ్మిది మంది టీచర్, గ్రాడ్యుయేట్ ఎమ్మెల్సీలు మండలిలో ఉన్నారు. వైసీపీ, టీడీపీ వైరం కారణంగా మండలి రద్దైతే వారందరి పదవులూ పోవడం ఖాయం. శాసనసభలో వారికి ప్రాతినిధ్యం లేకపోవడంతో మండలి పదవులు కోల్పోవడం వారికి ఇష్టం లేదు.
ఈ నేపథ్యంలో వైసీపీ, టీడీపీ నడుమ సంధి కుదర్చడానికి పీడీఎఫ్ సభ్యులు ప్రయత్నాలు మొదలుపెట్టినట్టు సమాచారం. ఇందులో భాగంగా తమను కలిసిన ఆ ఎమ్మెల్సీలకు వైసీపీ నేతలు తమ షరతులు వివరించారని తెలుస్తోంది. మండలి అవసరం తమకూ ఉందని, కానీ ఇలా చీటికీ మాటికీ రూల్ 71, సెలెక్ట్ కమిటీ అంటూ శాసనసభ ఆమోదించిన బిల్లును ఇకపై టీడీపీ అడ్డుకోకూడదని స్పష్టంచేసినట్టు చెబుతున్నారు.
అలాగే రాజధానిపై బిల్లును సవరణలతో శాసనసభకు పంపించేయాలని, మండలి చైర్మన్ షరీఫ్ చేత రాజీనామా చేయించాలని సూచించినట్టు సమాచారం. అంతేకాకుండా తమకు అనుకూలంగా ఓటేసిన టీడీపీ ఎమ్మెల్సీలపై వేటు వేయకుండా చూడాలని కూడా పేర్కొన్నట్టు తెలిసింది. దీంతో పీడీఎఫ్ ఎమ్మెల్సీలు అంతర్మథనంలో పడ్డారు.
వీటికి తెలుగుదేశం అంగీకరించే ప్రసక్తే లేదని చెబుతున్నారు. మరోవైపు టీడీపీ ఎమ్మెల్సీల్లో పలువురు సైతం మండలి రద్దు కాకుండా ఉండాలని కోరుకుంటున్నారు. ఈ నేపథ్యంలో ఏం చేయాలనే అంశంపై మల్లగుల్లాలు పడుతున్నట్టు తెలుస్తోంది. మొత్తానికి ఏపీ శాసనమండలి కొనసాగుతుందా లేక కాలగర్భంలో కలిసిపోతుందా అనేది ఈ మూడు రోజుల్లో జరిగే పరిణామాలపై ఆధారపడి ఉంటుంది.
568270 600034Hey there! Good stuff, do maintain us posted when you lastly post something like that! 575379
666628 880289hey there i stumbled upon your web site searching about the web. I wanted to tell you I enjoy the look of items about here. Keep it up will bookmark for sure. 498804
328481 759992I believe other internet site owners should take this web site as an example , extremely clean and great user genial style . 4101