ముఖ్యమంత్రి వైఎస్ జగన్ మోహన్ రెడ్డి సొంత జిల్లాలో ఓ రైతు, తన భూమిని స్థానిక వైసీపీ నాయకులు భూ దోపిడీకి పాల్పడుతున్నారంటూ వైసీపీకి చెందిన ఓ వ్యక్తి ఆరోపించడం కలకలం రేపుతోంది. బాధితుడు మైనార్టీ వర్గానికి చెందిన వ్యక్తి కావడం మరో ఆసక్తికరమైన అంశం. కడప జిల్లా మైదుకూరులోని దువ్వూరు మండలంలోగల ఎర్రబల్లె గ్రామానికి చెందిన అక్బర్ బాషా అనే వైసీపీ కార్యకర్త, తనకు చెందిన ఒకటిన్నర ఎకరాల భూమిని స్థానిక వైసీపీ నాయకుడు తిరుపాల్ రెడ్డి ఆక్రమించారనీ, ఈ విషయమై పోలీసులకు ఫిర్యాదు చేసినా ప్రయోజనం లేకుండా పోయిందని వాపోయారు.
‘జీవనాధారమైన భూమిని ఆక్రమించారు. న్యాయం చేయాలని పోలీసుల్ని ఆశ్రయిస్తే, సీఐ కొండారెడ్డి కూడా నన్ను బెదిరిస్తున్నారు..’ అంటూ కన్నీరు మున్నీరయ్యారు అక్బర్ బాషా. తనతోపాటు తన భార్యనీ దూషించారనీ, లాగి పడేశారనీ అక్బర్ బాషా ఆవేదన వ్యక్తం చేశారు. ఈ మేరకు ఆయన ఓ సెల్ఫీ వీడియో విడుదల చేశారు. తనకు న్యాయం జరగకపోతే, కుటుంబ సమేతంగా ఆత్మహత్య చేసుకుంటానని వాపోయాడు అక్బర్ బాషా.
గతంలో కూడా కర్నూలు జిల్లాకి చెందిన ఓ మైనార్టీ వ్యక్తి.. ఇలాగే అధికార పార్టీ నేతలు, పోలీసు అధికారుల తీరుతో మనస్తాపం చెంది ప్రాణాలు తీసుకున్న విషయం విదితమే. అయినా, అధికార పార్టీకి చెందిన నేతలు, అధికార పార్టీకి చెందిన వారి భూముల్ని సైతం కబ్జా చేస్తుండడం.. పోలీసులు కొందరికి వత్తాసు పలుకుతుండడాన్ని ఎలా అర్థం చేసుకోవాలి.? సోషల్ మీడియాలో అక్బర్ బాషా వీడియో వైరల్ అవడంతో ముఖ్యమంత్రి కార్యాలయం స్పందించింది. జిల్లా పోలీసు యంత్రాంగానికి స్పష్టమైన ఆదేశాలు జారీ చేసింది. దాంతో, అధికారులు రంగంలోకి దిగి, అక్బర్ బాషా కుటుంబానికి న్యాయం చేస్తామంటున్నారు.
‘మేం చచ్చిపోతాం..’ అని కుటుంబ సమేతంగా సెల్ఫీ వీడియోలు పోస్ట్ చేస్తే తప్ప అధికార యంత్రాంగం కదలదా.? ప్రజల ధన, మాన ప్రాణాలకు రక్షణ కల్పించదా.? అన్న చర్చ సర్వత్రా జరుగుతోంది. విపక్ష నేతల అరెస్టు మీద పెట్టిన శ్రద్ధ, ప్రజా భద్రతపై పోలీసులు పెడితే అసలిలాంటి దుస్థితి ఎందుకొస్తుంది.?
976088 904960I like what you guys are up also. Such intelligent work and reporting! Keep up the superb works guys Ive incorporated you guys to my blogroll. I feel itll improve the value of my web site . 948696
762155 12682Thank you for your wonderful post! It has long been really insightful. I hope that you will continue sharing your wisdom with us. 822312
102110 522829Very good post, thanks a good deal for sharing. Do you happen to have an RSS feed I can subscribe to? 403630