యోగి వేమన యూనివర్సిటీలో విగ్రహాల వివాదం పెను రాజకీయ దుమారానికి కారణమవుతున్న సంగతి తెలిసిందే. అందరికీ కనిపించేలా, యోగి వేమన విగ్రహాన్ని యూనివర్సిటీ వెలుపల.. మెయిన్ గేట్ వద్ద పెట్టామన్నది యూనివర్సిటీ తరఫున, ప్రభుత్వం కనుసన్నల్లో వచ్చిన వివరణ తాలూకు సారాంశం.
యూనివర్సిటీ అభివృద్ధి కోసం కృషి చేశారు గనుక, వైఎస్ రాజశేఖర్ రెడ్డి విగ్రహాన్ని యూనివర్సిటీ లోపల.. అందునా, గతంలో వేమన విగ్రహం ఎక్కడైతే వుండేదో.. అక్కడ పెట్టారట.! విషయం సుస్పష్టం. యోగి వేమన విగ్రహాన్ని తొలగించి, ఆ స్థానంలో వైఎస్ రాజశేఖర్ రెడ్డి విగ్రహాన్ని పెట్టారు.
అసలు యూనివర్సిటీల్లో రాజకీయ నాయకులెందుకు వుండాలి.? ఆగండాగండీ, ఎన్టీయార్ హెల్త్ యూనివర్సిటీ అనే పేరుని ఎందుకు పెట్టాల్సి వచ్చిందనేది ముందు చర్చించుకోవాలి. అంతే కదా మరి.! యూనివర్సిటీలకు రాజకీయ నాయకుల పేర్లు పెట్టడమే ఓ భావదారిద్ర్యం.!
ఎందుకంటే, రాజకీయ నాయకులకు క్లీన్ చిట్ వుండడం ఈ రోజుల్లో దాదాపు అసాధ్యం. అవినీతి ఆరోపణలు ఎదుర్కొనే రాజకీయ నాయకులు, ఎంతటి ఉన్నత పదవులు అలంకరించినా, యువతరానికి అయితే వాళ్ళు మార్గదర్శకులు కాలేరు. అలాంటి వ్యక్తుల పేర్లు, విగ్రహాలు.. యూనివర్సిటీల విషయంలో అస్సలు సమర్థనీయం కానే కాదు.
యోగి వేమన అంటే దేవుడితో సమానం.! మనిషి జీవనం ఎలా వుండాలో తన పద్యాల ద్వారా తెలియజేసిన మహా కవి. అలాంటి యోగి వేమన వుండాల్సింది గర్భ గుడిలో.. అంటే యూనివర్సిటీలో. గర్భగుడిలో వుండాల్సిన యోగి వేమనని, యూనివర్సిటీ గేటు బయట కాపలాదారుగా మార్చేసి, ‘అందరికీ కనిపించేలా బయటపెట్టాం..’ అని వివరణ యూనివర్సిటీ అధికారులు ఇస్తోంటే, నవ్వాలో ఏడవాలో తెలియడంలేదు.
యోగి వేమనకు మాత్రమే ఈ వెసులుబాటు కల్పించారా.? ముందు ముందు దేవాలయాల్లోని విగ్రహాలకీ ఇదే గౌరవం కల్పిస్తారా.? అని నెటిజన్లు ప్రశ్నిస్తున్నారు. ఫలానా దేవాలయ అభివృద్ధికి ఫలానా రాజకీయ నాయకుడు కృషి చేశాడు గనుక, ఆయనగారి విగ్రహాన్ని లోపల పెట్టి, దేవాతా మూర్తుల విగ్రహాల్ని.. గుడి బయట పెట్టినా పెట్టేస్తారు.. ఎందుకంటే, గుడిలో వుండటం కంటే, గుడి బయట ఎక్కువమంది తేలిగ్గా చూసేందుకు అవకాశం వుంటుందన్న లాజిక్కు వుండనే వుంది కదా.!
809714 164767Id ought to seek advice from you here. Which is not something I do! I really like reading an article that could make individuals feel. Also, numerous thanks allowing me to comment! 336083
46610 558659Man you legend. return see my web site, you should get pleasure from it. 190385