ఆందోళనాకారులకు షాకిచ్చిన సీఎం.. ఆస్తుల జప్తుకు సిద్ధం..

గత కొన్ని రోజులుగా దేశాన్ని సిఏఏ సమస్య పట్టిపీడిస్తోంది. చట్టం రాజ్యాంగ బద్దంగానే ఉందని కేంద్రం చెప్తున్నా కాంగ్రెస్ పార్టీ మాత్రం ససేమిరా అనడంతో ఆందోళనలు చెలరేగాయి. కావాలనే కాంగ్రెస్ పార్టీ ఆందోళనలు చేయడం మొదలు పెట్టింది. గతంలో మన్మోహన్ సింగ్ సిఏఏ బిల్లు తేవాలని అన్నారు. పాకిస్తాన్, బంగ్లాదేశ్, ఆఫ్ఘనిస్తాన్ నుంచి వచ్చే మైనారిటీలకు భారత పౌరసత్వం కల్పించాలని స్వయంగా మన్మోహన్ సింగ్ రాజ్యసభలో గతంలో పేర్కొన్న సంగతి తెలిసిందే.

దానినే ఇప్పుడు కేంద్రం అమలు చేసింది. దేశంలో ముస్లింలకు అన్యాయం జరుగుతుందని కాంగ్రెస్ పార్టీ ఆందోళన చేయడం మొదలుపెట్టింది. ఈ ఆందోళనకు ముస్లిం పార్టీలు, లెఫ్ట్ పార్టీలు, అటు బెంగాల్ లో మమత ఆజ్యం పోశారు. ఆందోళనతో దేశాన్ని భయబ్రాంతులకు గురయ్యేలా చేశారు. కానీ పోలీసులు సహనంతో వ్యవహరించారు. యూపీలో ఈ ఆందోళనలు ఉదృతం కావడంతో ఘర్షణలు చెలరేగి అనేక చోట్ల దాడులు జరిగాయి. పోలీసు వాహనాలు, ప్రజా, ప్రభుత్వ ఆస్తులు ధ్వంసం అయ్యాయి.

నష్టనివారణ చర్యలకు యూపీ ప్రభుత్వం సిద్దమై కఠిన నిర్ణయాలు తీసుకుంది. ఆందోళన చేస్తున్న వారిలో ఎవరైతే ప్రజా, ప్రభుత్వ ఆస్తులను ధ్వంసం చేశారు… వారిని గుర్తించి వారి ఆస్తులను జప్తు చేస్తామని హెచ్చరించింది. హెచ్చరించడంతో పాటుగా 498 మందిని గుర్తించింది వారికీ సంబంధించిన వీడియోలు, ఫోటోలు రిలీజ్ చేసింది. దీంతో పోలీసులు వారికి నోటీసులు జారీ చేయడంతో ఒక్కసారిగా యూపీలో అలజడులు సద్దుమణిగాయి.

బులందర్ జిల్లాలోని ఉపిరికోటకు సంబంధించిన నిరసనకారులు కొంతమంది జిల్లా కార్యాలయానికి వచ్చి రూ. 6.27 లక్షల డిమాండ్ డ్రాఫ్ట్ ను అందజేశారు. ఇంకెప్పుడు అల్లర్లు చేయబోమని ప్రతిజ్ఞ చేశారు. సంతకాలు చేశారు. అల్లర్లు తగ్గుముఖం పట్టినా, పోలీసులు మాత్రం 498 మందికి నోటీసులు జారీ చేసింది. ఇప్పటికే కొంతమంది ఆస్తులను అటాచ్ చేసినట్టు పోలీసులు చెప్తున్నారు.