నర్సాపురం వైసీపీ ఎంపీ రఘురామకృష్ణరాజు, తాను అనుకున్నది సాధించేశారు. కేంద్రం నుంచి ‘వై’ కేటగిరీ భద్రతను పొందారాయన. ఈ మేరకు కేంద్ర హోంశాఖ నుంచి తనకు సమాచారం అందిందని రఘురామకృష్ణరాజు చెబుతున్నారు. నాలుగైదు రోజుల్లో తనకు ఆ భద్రత వస్తుందని అంటున్నారు రఘురామకృష్ణరాజు.
నిజంగానే ఇది రాష్ట్ర రాజకీయాల్లో పెను సంచలనం కాబోతోంది. రాష్ట్రంలో తనకు భద్రత లేదనీ, సొంత పార్టీ నేతలే తనపై దాడులు చేసేందుకు యత్నిస్తున్నారని ఆరోపిస్తూ రఘురామకృష్ణరాజు లోక్సభ స్పీకర్ని ఆశ్రయించారు.. కేంద్ర హోంశాఖకు దరఖాస్తు చేసుకున్నారు. ‘నేను దరఖాస్తు చేసుకుంటే అడిగినట్లుగా భద్రత ఇచ్చేయరు.. పరిస్థితిని సమీక్షిస్తారు. అందులో వాస్తవం వుంటేనే భద్రతను కల్పిస్తారు..’ అని రఘురామకృష్ణరాజు వ్యాఖ్యానించడం చూస్తోంటే, రాష్ట్రంలో పరిస్థితిపై కేంద్రానికి ఖచ్చితమైన అవగాహన వున్నట్లే కన్పిస్తోంది. కేంద్ర భద్రతా బలగాలు తనకు ‘వై’ కేటగిరీ భద్రతను కల్పిస్తే, ఆ వెంటనే ఆయన తన సొంత నియోజకవర్గానికి వెళ్ళే అవకాశం వుంది.
వైసీపీలో గత కొంత కాలంగా రఘురామకృష్ణరాజు కలకలం సృష్టిస్తోన్న విషయం విదితమే. ‘బొచ్చులో నాయకత్వం’ సహా పలు ఆరోపణలు ఆయన ఆయన మీదున్నాయి. వైసీపీ అనుకూల మీడియా తన మీద జుగుప్సాకరమైన వ్యాఖ్యలు చేయడంతో, స్పీకర్కి తాను ఫిర్యాదు చేయడాన్ని వైసీపీ అధిష్టానం జీర్ణించుకోలేకపోయిందని, అప్పటినుంచే తనకి వ్యతిరేకంగా పార్టీలో కొందరు పావులు కదుపుతున్నారని రఘురామకృష్ణరాజు ఆరోపిస్తున్నారు.
ఇదిలా వుంటే, రఘురామకృష్ణరాజు తన సొంత నియోజకవర్గంలో వైసీపీ నేతలు తన దిష్టిబొమ్మల్ని తగలేస్తున్నా, తనను చంపేస్తామని హెచ్చరిస్తున్నా పోలీసు ఉన్నతాధికారులు పట్టించుకోవడంలేదని ఆరోపిస్తూ వచ్చారు. ఇప్పుడిక కేంద్ర బలగాల భద్రత లభించాక, సొంత నియోజకవర్గంలో రఘురామకృష్ణరాజు పర్యటిస్తే.. ఆ ఇంపాక్ట్ రాష్ట్ర రాజకీయాలపై ఎలా వుంటుందో ఏమోగానీ.. ఢిల్లీ పెద్దలతో ఆయనకున్న సన్నిహిత సంబంధాల ‘పవర్’ ఏమిటో నర్సాపురం రాజుగారు తనదైన స్టయిల్లో వైసీపీ అధిష్టానానికి రుచి చూపించగలిగారన్నది నిర్వివాదాంశం.
281719 800013Hey there! Someone in my Myspace group shared this web site with us so I came to take a look. Im certainly enjoying the details. Im bookmarking and will probably be tweeting this to my followers! Outstanding blog and outstanding style and style. 431635
108701 978664Yay google is my king assisted me to find this outstanding website ! . 523641
775968 468141Wohh exactly what I was searching for, regards for putting up. 385574