13 ఏళ్ల వయసు అంటే పదో తరగతి కూడా కాదు. కానీ సోషల్ మీడియాలో ఓ కుర్రాడు 13 ఏళ్లకే చక్రం తిప్పేస్తున్నాడు. అది కూడా తన కంటే వయసులో చాలా పెద్ద వాళ్లకు పాఠాలు చెప్పేస్తూ.. బుల్లి మేస్టారుగా అవతారమెత్తేశాడు. బ్రహ్మంగారి కాలజ్ఞానంలో ఇలాంటి అద్భుతాలు చాలానే విన్నామని అనుకుంటున్నారా..? ఇది నిజం. మన తెలుగు కుర్రాడే ఈ ఘనతను సాధించాడు. పేరు ‘అమర్ సాత్విక్’. చిన్నప్పటి నుండీ మనోడికి అట్లాస్ చూస్తే అదో కిక్. ఎక్కడేముందో చిటికెలో పట్టేస్తాడు. గుర్తు పెట్టేసుకుంటాడీ బుడతడు.
బుడ్డోడి ఆశక్తిని గమనించిన తండ్రిగారు తన కొడుకులోని ఈ ప్రత్యేక టాలెంట్కి మురిసిపోవడమే కాదు, ఇంకా సాన పెట్టడానికి తనవంతుగా సాయమందించాడు. సాత్విక్ తండ్రి ఓ స్కూల్ టీచర్. ఇకనే తండ్రి బాటలోనే పాఠాలు చెప్పాలని తాను కూడా ప్రాక్టీస్ ముమ్మరం చేశాడు. ఓ సారి సరదాగా జియోగ్రఫీ పాఠమొకటి చెప్పేస్తుంటే, తనయుడి టాలెంట్ని చూసి మురిసిపోయిన ఆ పిల్లాడి తల్లి వీడియో తీసింది. దాన్ని ఆమె సోషల్ మీడియాలో పోస్ట్ చేసింది. అంతే.. క్షణాల్లో ఆ వీడియో వైరల్గా మారింది.
‘లెర్న్ విత్ అమర్’ పేరుతో పదేళ్ల వయసులో అమర్ యూ ట్యూబ్ ఛానెల్ని స్టార్ట్ చేశాడు. అది 2016. ప్రస్తుతం ఒక లక్షా ఎనభై ఏడు వేల మంది సబ్ స్బ్రైబర్లున్నారు లెర్న్ విత్ అమర్ యూట్యూబ్ ఛానెల్కి. మామూలు పాఠాలు కాదు, ఐఏఎస్, ఐపీఎస్ కోచింగ్ తీసుకునే వారికి, జియోగ్రఫీలో అత్యంత క్లిష్టమైన పాఠాల్ని అతి సులువుగా అర్ధమయ్యేలా చెప్పడం అమర్ ప్రత్యేకత. ఫాలోవర్స్ అంతా అమర్ కంటే వయసులో చాలా పెద్దవాళ్లు.
అమర్ చెప్పే పాఠాలు వింటుంటే, చిన్న పిల్లల చేష్టల్లా ఉండవనీ, ఓ మేధావి చెబుతోన్న అద్భుతమైన విషయాల్లా ఉంటాయనీ సబ్ స్క్రైబర్స్ చెబుతుంటారు. అంతలా సబ్జెక్ట్ మీద పూర్తి గ్రిప్ అమర్ సొంతం చేసుకున్నాడు. క్లిష్టమైన పేర్లను గుర్తు పెట్టుకోవడం, దేశాలూ, వాటి లొకేషన్స్నీ గుర్తించడం.. నదులూ.. ఇతరత్రా ముఖ్యమైన అంశాల్ని ఈజీగా బుర్రలోకి ఎక్కించుకోవడం ఎలా.. అన్నదానిపై అమర్ ఇచ్చే ట్రిక్స్ చాలా వేల్యూబుల్ అనీ, అంటుంటారు ఛానెల్ సబ్స్క్రైబర్స్.
జాగ్రఫీనే కాకుండా ఎకనమిక్స్, పొలిటికల్ సైన్సెస్ వంటి అంశాల్లోనూ పాఠాలు చెప్పే దిశగా అమర్ ముందడుగు వేస్తున్నాడు. ఐఏఎస్ అధికారి కావాలనుకుంటున్నాడనీ, ఈ క్రమంలో తాను వివిధ అంశాల్లో మరింత ప్రావీణ్యం సాధించాల్సి ఉందని 13 ఏళ్ల అమర్ చెప్పాడు. లక్ష్యాన్ని నిర్ధేశించుకుని ఆ వైపు ముందడుగు వేస్తే ఎంత లక్ష్యమైనా చిన్నదే అనిపిస్తుందని చెప్పే అమర్, తనకూ కొందరి నుండి నెగిటివ్ కామెంట్స్ వస్తుంటాయనీ, వాటిని పట్టించుకుంటే, ముందడుగు వేయలేననీ అన్నాడు. వీకెండ్స్లో మాత్రమే ఈ వర్క్ చేసి, మిగతా సమయమంతా, స్కూల్ కరిక్యులమ్ కోసమే కేటాయిస్తాననీ మన మంచిర్యాల కుర్రోడు అమర్ చెప్పాడు.
633914 107439Thank you for your really very good info and feedback from you. car dealers in san jose 693692