రేవంత్ రెడ్డి ముఖ్యమంత్రి అయితే ఇంకేమన్నా వుందా.? వెంటనే, కేసీయార్ జైలుకు పోవాల్సిందే.! తెలంగాణ అసెంబ్లీ ఎన్నికల ముందర జరిగిన ప్రచారం ఇది. అసలు రేవంత్ గెలిస్తే కదా, ముఖ్యమంత్రి అయ్యేది.? కాంగ్రెస్ గెలవాలి కదా.? అంటూ కేసీయార్, ఎన్నికల ప్రచారంలో సెటైర్లేశారు.
కానీ, కాంగ్రెస్ గెలిచింది. రేవంత్ రెడ్డి ముఖ్యమంత్రి అవుతున్నారు. పదవీ ప్రమాణ స్వీకారానికి ఏర్పాట్లు కూడా షురూ అయ్యాయ్. ఇప్పుడేంటి.? తర్వాత జరిగేదేంటి.? ఇంకేముంది, తదుపరి వ్యవహారం తెలంగాణ మాజీ ముఖ్యమంత్రి కల్వకుంట్ల చంద్రశేఖర్ రావు అరెస్టేనట.!
తెలంగాణ రాజకీయ, మీడియా వర్గాల్లో ఇప్పుడు ఎక్కడ విన్నా ఇదే చర్చ. రాత్రికి రాత్రి కేసీయార్ అరెస్టయినా ఆశ్చర్యపోనక్కర్లేదంటూ పుకార్లు షికార్లు చేస్తున్నాయి. అయితే, కాంగ్రెస్ పార్టీ అంత రిస్క్ తీసుకుంటుందా.? రేవంత్ రెడ్డి అంత రిస్క్ ఎందుకు చేస్తారు.?
ఇప్పటికిప్పుడు, కేసీయార్ మీదగానీ, గులాబీ పార్టీకి చెందిన ఇతర ముఖ్య నేతల మీదగానీ, రేవంత్ రెడ్డి ఎలాంటి యాక్షన్ తీసుకోకపోవచ్చు. మంత్రి వర్గం కొలువుదీరి, అంతా సెట్టయ్యాక.. క్రమక్రమంగా చెయ్యాల్సిన పనుల్ని పూర్తి చేస్తారు.
కేసీయార్ హయాంలోనే, రేవంత్ రెడ్డి ఓటుకు నోటు కేసులో అరెస్టయిన సంగతి తెలిసిందే. పక్కాగా ట్రాప్ చేసి మరీ, రేవంత్ రెడ్డిని అరెస్టు చేయించారు కేసీయార్. అదొక ప్లాన్డ్ వ్యవహారం.! రేవంత్ రెడ్డి అడ్డంగా ఇరుక్కుపోయారు. అదేమీ ఆషామాషీ వ్యవహారం కాదు.! రేవంత్ రాజకీయ జీవితంలో చెరిపేసుకోలేని మచ్చ అది.
ఖచ్చితంగా రివెంజ్ వుంటుంది. కాకపోతే, దానికి కొంత సమయం పట్టొచ్చు. అంతకన్నా ముందు రేవంత్ రెడ్డి ముందర ఇంకో పెద్ద టాస్క్ వుంది. అదే, ఆంధ్రప్రదేశ్ అసెంబ్లీ ఎన్నికల వ్యవహారం.. అలాగే, లోక్ సభ ఎన్నికలు కూడా.!
ఇప్పటినుంచే వ్యూహాత్మకంగా వ్యవహరిస్తే, లోక్ సభ ఎన్నికల్లో కూడా గులాబీ పార్టీకి షాక్ ఇవ్వొచ్చన్న ఆలోచన రేవంత్ రెడ్డిలో వుండకుండా వుంటుందా.? తన మాజీ మాజ్ చంద్రబాబుకి సహకరించడంలో బహుశా రేవంత్ రెడ్డి ఏమాత్రం మొహమాటపడకపోవచ్చు.