పోలవరం ప్రాజెక్టు ప్రస్తుత పరిస్థితి ఏంటి.? అన్నదానిపై భిన్నాభిప్రాయాలున్నాయి. చంద్రబాబు హయాంలోనే 70 శాతం పనులు పూర్తయ్యాయని కేంద్రం కూడా క్లారిటీ ఇచ్చింది. ‘తట్టెడు మట్టి కూడా ఎత్తలేదు చంద్రబాబు హయాంలో’ అని వైసీపీ ఆరోపిస్తూ వచ్చింది. అంతే కాదు, వందల కోట్ల అవినీతికి మాత్రం చంద్రబాబు సర్కార్ పాల్పడిందని వైఎస్సార్ కాంగ్రెస్ పార్టీ ఆరోపణలు చేయడం చూశాం. మరోపక్క, ఎన్నికల సమయంలో సాక్షాత్తూ ప్రధాని నరేంద్ర మోడీ, పోలవరం ప్రాజెక్టుని చంద్రబాబు అవినీతికి ఏటీఎంలా వాడుకున్నారని ఆరోపించిన విషయాన్ని ఎలా మర్చిపోగలం.? అయితే, అవన్నీ పాత విషయాలు.
లేటెస్ట్ విషయం ఏంటంటే, పోలవరం ప్రాజెక్టులో అస్సలు అవినీతి జరగలేదట. కేంద్ర జల్శక్తి శాఖ తాజాగా ఈ విషయమై స్పష్టతనిచ్చింది. జనసేన పార్టీ తరఫున గతంలో యాక్టివ్గా వ్యవహరించిన ప్రముఖ రాజకీయ విశ్లేషకుడు పెంటపాటి పుల్లారావు, కేంద్రానికి లేఖ రాస్తే.. ఆ లేఖకు సమాధానమిచ్చిన కేంద్రం, పోలవరం ప్రాజెక్టుకి సంబంధించి అవినీతి.. అనడానికి అసలు తావే లేదని తేల్చేసింది. మరి, పోలవరం ప్రాజెక్టు.. అప్పటి తెలుగుదేశం సర్కార్కి ‘అవినీతి ఏటీఎం’గా మారిందని ప్రధాని ఎందుకు ఆరోపించినట్లు.? పోలవరం ప్రాజెక్టు పేరుతో వందల కోట్ల కుంభకోణానికి చంద్రబాబు అండ్ టీం పాల్పడినట్లు.. వైసీపీ ఎందుకు ఆరోపించినట్లు.? ఇక్కడ తేలాల్సిన లెక్కలు చాలా వున్నాయి.. కేంద్రం తరఫున ‘అవినీతి జరగలేదు’ అని చెప్పినాసరే. ఎందుకంటే, రివర్స్ టెండరింగ్తో వందల కోట్లు మిగిల్చేశామని వైఎస్ జగన్ ప్రభుత్వం చెబుతోంది. పైగా, అవినీతికి పాల్పడినవారిపై కఠిన చర్యలుంటాయనీ అంటోంది.
సో, నిజాలు నిగ్గు తేలాల్సిందే. ‘వైసీపీ – టీడీపీ’ మధ్య ’60-40’ బంధం కొనసాగుతోందన్న విమర్శలు వెల్లువెత్తుతున్న వేళ, పోలవరం ప్రాజెక్టులో అవినీతిపై, రాష్ట్ర ప్రభుత్వం ఎందుకు చర్యలు తీసుకోవడంలేదు.? గతంలో టీడీపీ – బీజేపీ మధ్య రాజకీయ పొత్తు నడిచిన దరిమిలా, రెండూ కలిసి ప్రభుత్వాన్ని నడిపిన దరిమిలా.. ఆ కారణంగానే పోలవరంలో అవినీతి జరగలేదనే సమాధానం కేంద్రం నుంచి వచ్చిందా.? ఇలా చాలా ప్రశ్నలున్నాయ్. ఈ ప్రశ్నలకు సమాధానం చెప్పాల్సిన బాధ్యత అటు కేంద్రంపైనా, ఇటు రాష్ట్రంపైనా వుంది మరి. మొత్తమ్మీద, పోలవరం ప్రాజెక్టుని ప్రధాని మోడీ, మాజీ ముఖ్యమంత్రి చంద్రబాబు, ప్రస్తుత ముఖ్యమంత్రి వైఎస్ జగన్.. అందరూ పొలిటికల్ ఏటీఎంలా వాడేసుకున్నారు, వాడేసుకుంటూనే వున్నారు. కానీ, ఆ ప్రాజెక్ట్ మాత్రం ఎప్పుడు పూర్తయ్యేనో ఏమో.!
667656 629045you can have a fantastic weblog here! would you wish to make some invite posts on my weblog? 383442
869246 519583Flexibility means your space ought to get incremented with the improve in number of weblog users. 934916
29746 920289I like this site extremely much, Its a actually nice situation to read and get information . 222959