Vijay Devarakonda : రౌడీ స్టార్ విజయ్ దేవరకొండ ప్రస్తుతం పరశురామ్ దర్శకత్వంలో ఫ్యామిలీ స్టార్ సినిమాను చేస్తున్న విషయం తెల్సిందే. ఆ సినిమా తర్వాత విజయ్ చేయబోతున్న సినిమా ఏంటి అనే విషయమై క్లారిటీ లేదు. మీడియా వర్గాల ద్వారా అందుతున్న సమాచారం ప్రకారం విజయ్ దేవరకొండ తదుపరి సినిమా గీతా ఆర్ట్స్ బ్యానర్ లో ఉండబోతుందట.
ఇటీవలే బోయపాటి దర్శకత్వంలో గీతా ఆర్ట్స్ బ్యానర్ ఒక సినిమాను ప్రకటించింది. ఆ సినిమా హీరో అల్లు అర్జున్ అయ్యి ఉంటాడనే ప్రచారం జరిగింది. కానీ అల్లు అర్జున్ తో కంటే ముందు విజయ్ దేవరకొండతో బోయపాటి శ్రీను సినిమాను చేసే అవకాశాలు కనిపిస్తున్నాయి.
ప్రస్తుతం స్క్రిప్ట్ ను రెడీ చేస్తున్న బోయపాటి అతి త్వరలో విజయ్ దేవరకొండ ను కలిసి కథ చెప్పే అవకాశాలు ఉన్నాయి. గీతా ఆర్ట్స్ ద్వారా ఈ ప్రాజెక్ట్ కు సంబంధించిన చర్చలు జరుగుతున్నాయి. అల్లు అరవింద్ ఇప్పటికే స్టోరీ లైన్ కి ఓకే చెప్పాడు. పూర్తి స్థాయి స్క్రిప్ట్ రెడీ అయితే అధికారికంగా విజయ్ దేవరకొండ హీరో అంటూ ప్రకటించే అవకాశాలు ఉన్నాయి.