‘వారాహి’కి రిజిస్ట్రేషన్ అయిపోయింది.! ఫాఫం వైసీపీ పరిస్థితేంటి.?

మీకు తెలుసా.? ‘వారాహి’ వాహనానికి రిజిస్ట్రేషన్ పూర్తయిపోయింది. ఛత్.! ఆ ఛాన్సే లేదు.. ఎట్టి పరిస్థితుల్లోనూ రిజిస్ట్రేషన్ జరగదు.! ఇది వైసీపీ నాయకుల అత్యుత్సాహం. ఏపీకి చెందిన రావాణా శాఖ అధికారి ఒకరు కూడా, వారాహి వాహనానికి రిజిష్ట్రేషన్ జరగదని తేల్చేశారు.

ఆంధ్రప్రదేశ్ రాష్ట్రంలో రాజకీయాలు ఎంతలా దిగజారిపోయాయో చెప్పడానికి, ‘వారాహి’ వాహనానికి ఉపయోగించిన రంగు మీద జరిగిన రచ్చ ఓ నిదర్శనం మాత్రమే.

ఓ వాహనం రంగు గురించి మాట్లాడే స్థాయికి వైసీపీ మంత్రులు ఎందుకు దిగజారిపోయారు.? ప్రత్యేక హోదా, రైల్వే జోన్, పోలవరం ప్రాజెక్టు, దుగరాజపట్నం పోర్టు, కడప స్టీలు ప్లాంటు, రాజధాని.. వీటి గురించి కదా మంత్రులు మాట్లాడాల్సింది.?

పవన్ కళ్యాణ్ సోషల్ మీడియాలో ఏదన్నా పోస్ట్ పెడితే చాలు, ఎగేసుకుంటూ వచ్చేస్తారు వైసీపీ నేతలు మీడియా ముందుకి. మొన్నీమధ్యనే పవన్ కళ్యాణ్ మార్షల్ ఆర్ట్స్‌కి సంబంధించిన ఫొటో పెడితే, వైసీపీ నేతలు గిలగిలా కొట్టుకున్నారు. మార్షల్ ఆర్ట్స్‌కీ మారిటల్ ఆర్ట్స్‌కీ తేడా తెలియకుండా స్పందించారో మంత్రిగారు. ఇదీ వైసీపీ నాయకులకున్న అవగాహన.

అన్నట్టు, ‘వారాహి’ వాహనానికి రిజిస్ట్రేషన్ వారం రోజుల క్రితమే అయిపోయింది. ‘వారాహి’ వాహనాన్ని జనసేన అధినేత సోషల్ మీడియా వేదికగా పరిచయం చేసిన రోజునే అన్ని ఫార్మాలిటీస్ పూర్తయిపోయాయట. కాకపోతే, రిజిస్ట్రేషన్ విషయం కాస్త ఆలస్యంగా బయటకు వచ్చిందంతే.

ఆలివ్ గ్రీన్ కలర్ అన్నారు.. ప్చ్.. బహుశా కలర్ బ్లైండ్‌నెస్ వుండి వుంటుంది వైసీపీ నేతలకి.! అది ఆలివ్ గ్రీన్ కాదు, ఎమరాల్డ్ గ్రీన్ అని తెలంగాణ ఆర్టీయే అధికారులు తేల్చారు. వాహనానికి ఎలాంటి సమస్యలూ రిజిస్ట్రేషన్ పరంగా లేవనీ, ఏవన్నా అదనపు మార్పులు జరిగితే చట్ట పరంగా చర్యలు తీసుకుంటామని తెలంగాణ ఆర్టీయే అధికారులు చెప్పారు. తెలంగాణలో వాహనం రిజిస్ట్రేషన్ జరిగింది.

మరి, ఏపీలోని అధికార పార్టీకి ‘వారాహి’ రంగు ఆలివ్ గ్రీన్‌లా కనిపిస్తేనో.? రోడ్ల మీద తిరగకుండా ఏమైనా ఆంక్షలు వైసీపీ విధించగలుగుతందా.? కోడి గుడ్డు మీద ఈకలు పీకే వ్యవహారాన్ని వైసీపీ ఇకనైనా మానుకుంటుందేమో వేచి చూడాలి.