Pawan Kalyan: పవన్ కళ్యాణ్‌కి మేమెందుకు ప్యాకేజీ ఆఫర్ చేస్తాం.?

Pawan Kalyan: భారత రాష్ట్ సమితి, జనసేన అధినేత పవన్ కళ్యాణ్‌కి(Pawan Kalyan)వెయ్యి కోట్ల ప్యాకేజీ ఆఫర్ చేసిందన్నది ఏబీఎన్ రాధాకృష్ణ నిందారోపణ. ‘పాత్రికేయం’ ముసుగులో తనకు నచ్చింది ప్రచారం చేస్తానంటాడాయన. ఈ వ్యవహారంపై పెద్దయెత్తున దుమారం చెలరేగిన సంగతి తెలిసిందే.

తాజాగా ఈ విషయమై భారత్ రాష్ట్ర సమితి అధినేత, తెలంగాణ ముఖ్యమంత్రి కేసీయార్ కుమార్తె కల్వకుంట్ల కవిత స్పందించారు.

‘మేమెందుకు ప్యాకేజీ ఇస్తాం.? దేశవ్యాప్తంగా మేమే అధికారంలోి రావాలనుకుంటున్నాం. భావ సారూప్యత కలిగిన పార్టీలు, దేశంలో బీజేపీ పాలనపై పోరాటంలో కలిసి రావాలని పిలుపునిస్తున్నాం..’ అని చెప్పారు కవిత.

‘ఎవరెవరో ఏవేవో చెబుతుంటారు. మాకు యూపీ, తమిళనాడు, కర్నాటక ఎలాగో ఆంధ్రప్రదేశ్ కూడా అంతే. కాకపోతే, గతంలో కలిసి వున్నాం.. ఖచ్చితంగా తెలుగు ప్రజల విషయంలో ఒకింత ప్రత్యేకమైన అభిమానంతో వుంటాం..’ అని కవిత చెప్పుకొచ్చారు.

‘రాష్ట్రాలుగా విడపోయి.. అన్నదమ్ముల్లా.. అక్క చెల్లెళ్ళలా కలిసి వుందాం.. అనే మాట గతంలోనే చెప్పాం.. అదే మాటకు కట్టుబడి వున్నాం..’ అని కవిత పేర్కొన్నారు.

జనసేన పార్టీకి ప్రస్తుతం బీజేపీ మిత్రపక్షమనీ, బీజేపీ తెలంగాణలో తమకు రాజకీయ ప్రత్యర్థి అనీ కవిత వ్యాఖ్యానించారు.

‘దేశంలో ఓ మంచి మార్పు కోసం ప్రయత్నిస్తున్నాం. కాంగ్రెస్, బీజేపీ ముక్త భారత్ కోసం ప్రయత్నిస్తున్నాం..’ అంటోన్న కవితే, ‘ఆయా రాష్ట్రాల్లో ప్రజలతోనే తమ పొత్తు తప్ప, రాజకీయ పార్టీలతో ఇంతవరకు పొత్తుల చర్చలు జరగలేదు’ అని కవిత స్పష్టం చేసేశారు.