Trisha: మెగాస్టార్ (Mega Star) చిరంజీవి (Chiranjeevi) హీరోగా నటిస్తున్న 156వ సినిమా ‘విశ్వంభర’ (Vishwambhara). ఇటివలే చిరంజీవి సెట్లో అడుగుపెట్టారు. గెట్ రెడీ టు విశ్వంభర అంటూ జిమ్ చేస్తున్న వీడియో వైరల్ అయింది. ఇప్పుడీ సినిమాకు మరో ఆకర్షణ తోడైంది. సినిమాలో హీరోయిన్ గా త్రిష (Trisha) కన్ఫర్మ్ అయినట్టు ఎప్పటినుంచో వార్తలు వచ్చాయి. దీనిని నిజం చేస్తూ తన ఇన్ స్టాలో పోస్ట్ చేసింది చెన్నై బ్యూటీ.
‘To new begining’ అంటూ ఉన్న పూల బొకేను పోస్ట్ చేసింది. దీంతో ‘విశ్వంభర’లోకి త్రిష ఎంటర్ అవుతుందని అంటున్నారు. ఫిబ్రవరి రెండో వారంలో 9,10 తేదీల్లో జరిగే షెడ్యూల్లో చిరంజీవి-త్రిషపై ఓ పాటను షూట్ చేస్తారని తెలుస్తోంది. సంక్రాంతికి రిలీజ్ చేసిన గ్లింప్స్ తో సినిమాపై భారీ అంచనాలు ఏర్పడ్డాయి. సినిమాలో మరో హీరోయిన్ గా అనుష్క నటిస్తోందనే వార్తలు వైరల్ అవుతున్నాయి. వశిష్ఠ దర్శకత్వంలో తెరకెక్కుతున్న సినిమాను యూవీ క్రియేషన్స్ నిర్మిస్తోంది. 2025 జనవరి 10న సంక్రాంతికి సినిమా విడుదల కాబోతోంది.