పెళ్లి చూపులు, ఈ నగరానికి ఏమైంది వంటి చిత్రాలతో యూత్ కు బాగా దగ్గరయ్యాడు తరుణ్ భాస్కర్. అయితే ఆ తర్వాత నటుడిగా తరుణ్ బిజీగా మారాడు. ఇప్పుడు ఐదేళ్ల గ్యాప్ తర్వాత కీడా కోలా చిత్రాన్ని తెరకెక్కించాడు. మరి మధ్యలో అన్నేళ్లు గ్యాప్ ఎందుకంటే వెంకటేష్ తో సినిమా చేయాలని ట్రై చేసాడు తరుణ్.
మూడేళ్లకు పైగా సురేష్ ప్రొడక్షన్స్ ఆఫీస్ లోనే స్టోరీపై వర్క్ చేసాడు. మరి ఈ ప్రాజెక్ట్ విషయంలో ఏం తేడా కొట్టింది అనే విషయంలో తరుణ్ భాస్కర్ క్లారిటీ ఇచ్చాడు. “కథ అనుకున్నట్లుగా పెర్ఫెక్ట్ గా వచ్చింది. అయితే క్లైమాక్స్ విషయంలోనే క్లారిటీ మిస్ అయింది. ఎన్ని సార్లు ట్రై చేసినా సరిగ్గా కుదర్లేదు. ఏదో ఒకటి తీసేద్దాం అని ముందుకు వెళ్లడం నాకు ఇష్టం లేదు. అలా చేస్తే మళ్ళీ స్టార్ హీరోలను హ్యాండిల్ చేయడం రాలేదని మీరే అంటారు. అందుకే అది హోల్డ్ లో పడింది” అని చెప్పుకొచ్చాడు.