‘బాహుబలి’ – ఈ సినిమా గురించి తెలుగుతో పాటు ఇండియన్ సినీ ప్రేక్షకులకు ప్రత్యేకంగా పరిచయం చేయనక్కర్లేదనుకుంటా.. ఎందుకంటే ఆ సినిమా క్రియేట్ చేసిన బజ్ మరియు రికార్డ్స్ అలాంటివి. ఈ సినిమాతో ప్రభాస్ కి సౌత్ లోనే కాదు నార్త్ లో కూడా సూపర్బ్ క్రేజ్ వచ్చింది. ఇప్పుడు ఇదే పీరియాడికల్ ఫిల్మ్ జానర్ లో వస్తున్న స్వాతంత్య్ర వీర యోధుడి కథతో వస్తున్న సినిమా ‘సైరా నరసింహారెడ్డి’.
అక్టోబర్ 2న ‘సైరా’ తెలుగుతో పాటు హిందీ, తమిళ్, మలయాళం, కన్నడ భాషల్లో కూడా రిలీజ్ కానుంది. ఈ సందర్భంగా అన్ని భాషల్లో హాయ్ రేంజ్ ప్రమోషన్స్ ప్లాన్ చేస్తున్నారు. అందులో భాగంగా నార్త్ తో పాటు అన్ని భాషల్లోనూ క్రేజ్ తీసుకురావడం కోసం బాహుబలి స్టార్ ప్రభాస్ తో ఇంటర్వ్యూ చేయించడానికి ఈ చిత్ర టీం ప్లాన్ చేస్తుంది. ఈ షోలో ప్రభాస్ యాంకర్ గా వ్యవహరిస్తూ మెగాస్టార్ ని ప్రశ్నలు అడగనున్నారు. అనుకున్నట్టు జరిగితే దీని ద్వారా సినిమాకి నేషనల్ వైడ్ మంచి బజ్ క్రియేట్ అవుతుంది.
అలాగే ఈ వారమంతా హైదరాబాద్ లో జరిగిన ప్రీ రిలీజ్ ఈవెంట్ లా ముంబై, ఢిల్లీ, బెంగుళూరు, కొచ్చి మరియు చెన్నైలలో కూడా ప్లాన్ చేస్తున్నారు. ప్రతి ఒక్క ప్లేస్ లోనూ ఆయా భాషల స్టార్స్ హాజరు కానున్నారు.