‘సైరా’ ప్రీ రిలీజ్ బిజినెస్: ఎంతొస్తే లాభం? ఎంతొస్తే నష్టం?

‘సైరా నరసింహారెడ్డి’, ప్రస్తుతం తెలుగు ప్రేక్షకులతో పాటు హిందీ, తమిళ్, మళయాలం, కన్నడ భాషల్లో కూడా ఎదురుచూస్తున్న గ్రాండియర్ పీరియాడికల్ ఫిల్మ్. అక్టోబర్ 2న రిలీజ్ కానున్న ఈ సినిమా ప్రమోషన్స్ భారీ ఎత్తున జరుగుతున్నాయి. ఈ చిత్ర టీం చెప్పిన దాని ప్రకారం ఈ చిత్ర బడ్జెట్ 275 కోట్లు.. దానికి తగ్గట్టుగానే సినిమాని కూడా అన్ని భాషల్లోనూ కలిపి 200 కోట్లకి అమ్మారు.

ఈ సినిమాని ఏ ఏ ఏరియాలో ఎంతకి అమ్మారు, ఈ సినిమా ఫుల్ రన్ లో ఎంత కలెక్ట్ చేస్తే ప్రాఫిట్ లోకి వెళ్తుంది అనే విషయాన్ని ఇప్పుడు చూద్దాం.

ఏరియా                          సేల్ ప్రైస్

నైజాం                             34 కోట్లు
సీడెడ్                              21 కోట్లు
ఉత్తరాంధ్ర                     14.5 కోట్లు
గుంటూరు                        11.5 కోట్లు
తూర్పు గోదావరి                 10.4 కోట్లు
పశ్చిమ గోదావరి                 09.3 కోట్లు
కృష్ణా                              09.6 కోట్లు
నెల్లూరు                           05.2 కోట్లు

ఆంధ్ర/తెలంగాణ మొత్తం- 115.5 కోట్లు

కర్ణాటక                          – 27 కోట్లు
తమిళనాడు                    – 7.7 కోట్లు
కేరళ                             – 2.5 కోట్లు
నార్త్ ఇండియా                 – 28 కోట్లు

ఓవర్సీస్                         – 20 కోట్లు

వరల్డ్ వైడ్ మొత్తం            – 200.7 కోట్లు

ఇప్పుడు ఈసినిమా ఎంత కలెక్ట్ చేస్తే ఏ రేంజ్ హిట్ అనేదానికి వెళ్తే.. ‘సైరా’ సినిమాకి అన్ని భాషల్లోనూ, అందరి నోటా బ్లాక్ బస్టర్ అనే టాక్ వచ్చి ఓవరాల్ గా అన్ని భాషల్లో కలిపి 450 కోట్ల గ్రాస్ అనగా సుమారు 300కోట్ల షేర్ కలెక్ట్ చేస్తే సైరా బ్లాక్ బస్టర్ సినిమా అయినట్టు లెక్క.

బ్లాక్ బస్టర్ కాకపోయినా సూపర్ హిట్ అవ్వాలంటే సుమారు 350 కోట్ల పైన గ్రాస్, అంటే సుమారు 250 కోట్ల పైన షేర్ కలెక్ట్ చేస్తే సూపర్ హిట్ అని చెప్పచ్చు.

అలా కాకుండా 300 కోట్ల గ్రాస్ అనగా 200 కోట్ల షేర్ దగ్గర ఆగితే డిస్ట్రిబ్యూటర్స్ కిపెద్దగా చేతులు కాలనట్టు, ఒకవేళ 200 – 300 కోట్ల దగ్గర గ్రాస్ ఆగింది అంటే మాత్రం అన్ని భాషల్లోనూ బయ్యర్స్ కి నెత్తిమీద తడిగుడ్డే..

అలాగే మొదటి రోజు అన్ని భాషల్లో కలిపి సుమారు 100 – 130 కోట్ల గ్రాస్ క్రాస్ చేస్తే సినిమా అటు ఇటుగా ఉన్నా, బయ్యర్స్ కొంత సేవ్ అయ్యే అవకాశం ఉంది. మరి ‘సైరా’ సినిమా అక్టోబర్ 2న ఎలాంటి టాక్ తెచ్చుకొని ఎలాంటి రికార్డ్స్ బ్రేక్ చేస్తుందో చూడాలి.