యంగ్ హీరో సూర్య స్వతహాగా తమిళ హీరో అయినప్పటికీ ‘గజినీ’, ‘యముడు’, ‘సింగం’ సినిమాల ద్వారా తెలుగులోనూ స్టార్డం తెచ్చుకున్నాడు. అందుకే ఆయన ప్రతి సినిమాకి తెలుగులో మంచి క్రేజ్ ఉండడమే కాదు, మంచిగా బిజినెస్ కూడా అవుతుంది. కానీ ఈ మధ్య కాలంలో సూర్య సినిమాలేవీ అనుకున్న స్థాయి ఫలితాలు ఇవ్వడం లేదు. ముఖ్యంగా సెప్టెంబర్ 20న రిలీజైన బందోబస్త్ సినిమా ప్రేక్షకుల చేత డిజాస్టర్ టాక్ తెచ్చుకుంది. అలాగే ఆయన కెరీర్లోనే అతి తక్కువ కలెక్షన్స్ ని సాధించింది.
‘బందోబస్త్’ తెలుగు సినిమా హక్కులు 8 కోట్లకి అమ్ముడు పోయాయి. ఈ సినిమా మొదటి రోజు కేవలం 0.71 కోట్ల షేర్ ని మాత్రమే సాధించింది. సినిమాకి పబ్లిక్ టాక్ చాలా బాడ్ గా ఉండడం వల్ల ఫుల్ రన్ లో 2 నుంచి 3 కోట్లు కూడా కలెక్ట్ చేసే ఛాన్స్ లేదని ట్రేడ్ వర్గాలు చెబుతున్నాయి.
బందోబస్త్ మొదటి రోజు కలెక్షన్స్ ఏరియాల వారీగా..
నైజాం – 13 లక్షలు
సీడెడ్ – 12 లక్షలు
గుంటూరు – 14 లక్షలు
ఉత్తరాంధ్ర – 12 లక్షలు
తూర్పు గోదావరి – 07.5 లక్షలు
పశ్చిమ గోదావరి – 05 లక్షలు
కృష్ణా – 04.5 లక్షలు
నెల్లూరు – 03 లక్షలు
మొత్తం షేర్ – 71 లక్షలు