తెలుగులోనే కాదు సౌత్ మొత్తం స్టార్ ఇమేజ్ తెచ్చుకున్న హీరో విజయ్ దేవరకొండ. తను హీరోగా, నాలుగు భాషల్లో రిలీజైన `డియర్ కామ్రేడ్`. భారీ అంచనాల నడుమ రిలీజైన ఈ సినిమా అన్ని భాషల్లో బాక్స్ ఆఫీస్ వద్ద బోల్తా పడింది. కానీ ఈ సినిమాలో కొన్ని కొన్ని మోమెంట్స్ కి చాలా మంది కనెక్ట్ అయ్యారు, అలాగే కొంతమంది ఆర్ట్ ఫిల్మ్ లా ఉందని అన్నారు. ఇలా బాక్స్ ఆఫీస్ వద్ద ఆడకపోయినా ఈ సినిమాకి ఓ అరుదైన అవకాశమే దక్కింది.
అదేమిటంటే.. ఈ సినిమాను ఫిలిమ్ ఫెడరేషన్ ఆఫ్ ఇండియా కమిటీ వారు ఆస్కార్ ఎంట్రీ లిస్టులోకి అధికారికంగా ఎన్నికచేసారు. ఫిలిం ఫెడరేషన్ ఆఫ్ ఇండియా ద్వారా ఈ చిత్రంతో పాటు మరో 28 చిత్రాలను ఈ లిస్టులోకి ఎంపికయ్యాయి. ఈ 28 చిత్రాలనీ స్క్రీనింగ్ చేసే వాటిలో ది బెస్ట్ అనిపించినా ఓ చిత్రాన్ని ఎంపిక చేసి బెస్ట్ ఫారిన్ లాంగ్వేజ్ కేటగిరీలో ఆస్కార్కి పంపుతారు.
`డియర్ కామ్రేడ్` మాత్రమే ఈ లిస్టులోకి ఎన్నికైన ఏకైక తెలుగు చిత్రం. ప్రస్తుతం స్క్రీనింగ్ జరుగుతుంది. వీటిలో బెస్ట్ మూవీని ప్రకటిస్తారు. ప్రముఖ ఫిలిం మేకర్ అపర్ణ సేన్ అధ్యక్షతన ఈ జ్యూరీ పని చేస్తుంది. భరత్ కమ్మ దర్శకత్వంలో మైత్రీమూవీ మేకర్స్, బిగ్ బెన్ బ్యానర్స్ ఈ చిత్రాన్ని నిర్మించాయి.