అరేబియా సముద్రంలో డ్రగ్స్తో రేవ్ పార్టీ జరుపుకుంటున్న క్రూయిజ్ షిప్ ను ఎన్సీబీ అధికారులు అదుపులోకి తీసుకున్నారు. వీరిలో బాలీవుడ్ బాద్ షా షారుఖ్ ఖాన్ తనయుడు ఆర్యన్ ఖాన్ ఉండటం సంచలనం రేపుతోంది. వివరాల్లోకి వెళ్తే..
నార్కోటిక్స్ కంట్రోల్ బ్యూరో అధికారులు శనివారం రాత్రి ఓ క్రూయిజ్ షిప్ను డ్రగ్స్ తోసహా కనుగొన్నారు. ఆర్యన్ ఖాన్ తో సహా ఎనిమిది మందిని అదుపులోకి తీసుకుని ప్రశ్నిస్తున్నారు. ఈ పార్టీని ఢిల్లీకి చెందిన నమస్క్రే ఎక్స్ పీరియన్స్, ఎఫ్టీవీ ఇండియా ఎండీ ఖషీఫ్ ఖాన్ పర్యవేక్షణలో జరిగినట్టు సమాచారం. అక్టోబర్ 2 నుంచి 4వ తేదీ వరకూ ఈ రేవ్ పార్టీ జరగాల్సి ఉంది. 100 టికెట్లను మాత్రమే విక్రయించి.. మిగిలిన టికెట్లను నిర్వాహకులే నేరుగా విక్రయించారు.
దీనికి విపరీతమైన పోటీ నెలకొనడంతో భారీగా టికెట్లు అమ్ముడయ్యాయి. 82వేలు పెట్టి టికెట్ కొన్న ఓ యువతిని షిప్ నిండిపోయిందని ఎక్కించుకోలేదంటే ఈ పార్టీకి ఉన్న డిమాండ్ ఎంతో అర్థం చేసుకోవచ్చు. ఈ సమాచారం అందుకున్న ఎన్ సీబీ అధికారులు సాధారణ ప్యాసింజర్లు మాదిరిగానే షిప్ లోకి ప్రవేశించారు. సముద్రం మధ్యలోకి వెళ్లిన తర్వాత పార్టీలో భాగంగా డ్రగ్స్ బయటకు తీసినట్టు తెలుస్తోంది. దీంతో వారిని అదుపులోకి తీసుకున్నారు.
ఈ కేసులో కొకెయిన్, మెఫెడ్రోన్, ఎక్స్స్టాసీ సహా పలురకాల మాదకద్రవ్యాలను అధికారులు సీజ్ చేశారు. ఆర్యన్ ఖాన్ సహా మున్మున్ దమేచా, నుపుర్ సారిక, ఇస్మీత్ సింగ్, మొహక్ జస్వాల్, విక్రాంత్ ఛొకర్, గోమిత్ చోప్రా, అర్బాజ్ మెర్చంట్లనూ అధికారులు అదుపులోకి తీసుకున్నారు. ఆర్యన్ ఖాన్ ఫోన్నూ అధికారులు సీజ్ చేసినట్టు తెలిసింది. ముంబయి నుంచి గోవాకు వెళ్లాల్సిన క్రూయిజ్ షిప్ శనివారం రాత్రి బయల్దేరింది. ఈ షిప్ ‘మ్యూజికల్ వోయేజ్’లో భాగంగా ముంబయి నుంచి గోవాకు వెళ్లాల్సి ఉన్నది.
అయితే, ఈ షిప్లో రేవ్ పార్టీ నిర్వహించనున్నట్టు, అందులో డ్రగ్స్ కూడా తీసుకునే అవకాశముందని అధికారులకు 15 రోజుల కిందే సమాచారం అందినట్టు తెలుస్తోంది. ఈ షిప్లో ఢిల్లీ నుంచి ఓ బిజినెస్ మ్యాన్ కూతురు, మరో యువతి కూడా ఎక్కినట్టు తెలిసింది. వీరితోపాటు ఆర్యన్ ఖాన్ కూడా షిప్లో ఉన్నారు.
డ్రగ్స్ తీసుకుంటున్నట్టు అనుమానాలున్నవారిని అందరినీ అధికారులు అదుపులోకి తీసుకున్నారు. షిప్ కెప్టెన్ దగ్గరకు వెళ్లి వెంటనే షిప్ వెనక్కి తీసుకెళ్లాలని ఆదేశించారు. ఈ కేసులో షిప్ నిర్వాహకులకు కూడా పోలీసులు నోటీసులు ఇచ్చినట్టు సమాచారం. ఇప్పటికే డ్రగ్స్ వ్యవహారంతో కుడెలవుతున్న సినీ పరిశ్రమలకు షారుఖ్ ఖాన్ కుమారుడు రేవ్ పార్టీలో ఉండటం కలకలం రేపుతోంది.
123560 993861Really intriguing topic , appreciate it for posting . 238731
272852 274944Hey there! Good post! Please when all could see a follow up! 195172