కొన్నాళ్ళ క్రితం ఓ అధికారిక కార్యక్రమంలో మాట్లాడుతూ, ‘దేవాలయాల మీద దాడులు చేసినోళ్ళే, ఆ తర్వాత మొసలి కన్నీరు కార్చుతున్నారు.. రథాలు తగలబెట్టి, రథయాత్రలు చేస్తామంటున్నారు..’ అని సాక్షాత్తూ ముఖ్యమంత్రి వైఎస్ జగన్ మోహన్ రెడ్డి సెలవిచ్చారు. ప్రభుత్వం తన చేతకానితనాన్ని ఇలా అంగీకరించిందా.? అని అంతా ముక్కున వేలేసుకున్నారు రాష్ట్ర ప్రజానీకం.
‘దేవాలయాలతో సరిపెట్టరేమో.. రేప్పొద్దున్న విద్యాలయాలపైనా దాడులు చేస్తారేమో..’ అని ముఖ్యమంత్రి అనుమానం వ్యక్తం చేయడం అప్పట్లో పెను వివాదానికి కారణమయ్యింది. ముఖ్యమంత్రి పదవిలో వున్న వ్యక్తి ఇలాంటి వ్యాఖ్యలు ఎలా చేస్తారు.? అని ప్రజాస్వామ్యవాదులు ప్రశ్నించారు.
ఇక, తాజాగా ఇలాంటి వ్యాఖ్యలే చేశారు ప్రభుత్వ సలహాదారు సజ్జల రామకృష్ణారెడ్డి. ‘అంబేద్కర్, రంగా విగ్రహాలు కూడా పగలగొట్టబోతున్నారు..’ అంటూ టీడీపీ పై సజ్జల విమర్శలు చేశారు. ఇది రాజకీయ విమర్శలా లేదు.. త్వరలో జరగబోయే అనర్థాలకు సంకేతంలా వుంది. అధికార పార్టీ ఇలాంటి సంకేతాలు పంపుతోందంటే, ఆయా చర్యలు ఎవరు చేయబోతున్నారో తెలిసీ, వాటిని ఉపేక్షించడం ద్వారా రాజకీయ రచ్చ చేయాలని అధికార పార్టీ భావిస్తోందని అనుకోవాలేమో.
విపక్షాలు విధ్వంసకర రాజకీయాల్నే ఎంచుకున్నాయని అనుకుందాం. మరి, ప్రభుత్వం ఏం చేస్తున్నట్లు.? పిఠాపురంలో దేవతామూర్తుల విగ్రహాల్ని దుండగులు ధ్వంసం చేసినప్పుడే తగిన చర్యలు తీసుకుని వుంటే, అంతర్వేది రధం దగ్ధమయ్యేది కాదు. బుద్ధి వున్నోడెవడూ ఇలాంటి దుష్ట పనులు చేయడు. అది ఏ పార్టీకి చెందినవారైనా సరే, ఇలాంటి విద్వంసాలకు తెరలేపే ప్రసక్తే వుండదు. కొందరు మాత్రమే.. అసాంఘీక శక్తులుగా మారతారు. అలాంటివారి కారణంగానే ఇలాంటి దారుణాలు జరుగుతుంటాయి. అలాంటివారికి పార్టీల రంగులు పులమడం, తద్వారా సమస్యను పక్కదారి పట్టించడం రాజకీయ పార్టీలకు వెన్నతో పెట్టిన విద్యగా మారిపోయింది.
విపక్షాలు రాజకీయం చేస్తే అదో లెక్క. కానీ, అధికారంలో వున్నోళ్ళకి బాధ్యత వుండక్కర్లేదా.? పైగా, కీలక పదవుల్లో వున్నవారు ఇలాంటి తేలిక వ్యాఖ్యలు చేయడం ద్వారా సమాజంలో అశాంతికి కారణమైతే ఎలా.?
881853 686077Outstanding post, I believe weblog owners really should larn a lot from this weblog its genuinely user genial . 466231
37751 623377Created to measure curtains […]check out the internet sites listed below, worth a read for interiors and rugs enthusiasts[…] 503783
601481 905366Some truly nice stuff on this internet site , I it. 444481