లైంగిక వేధింపుల్లో మూడో కాంచన ?

మీటూ .. అంటూ ఎన్ని రకాలుగా ఉద్యమాలు చేసినా, కాస్టింగ్ కౌచ్ అంటూ ఎన్ని రకాలుగా పోరాటం చేసిన ఎక్కడో ఒకచోట మహిళా లైంగిక వేధింపులకు గురవుతూనే ఉంది. ఇప్పటికే పలువురు నటీమణులపై వేధింపులకు గురయ్యారంటూ వార్తలు వస్తూనే ఉన్నాయి. తాజగా కోలీవుడ్ లో మరో హీరోయిన్ కూడా లైంగిక వేధింపులకు గురైంది. ఈ విషయం పై ఆమె పోలీసులకు పిర్యాదు చేసింది. ఆ వివరాల్లోకి వెళితే తాజగా లారెన్స్ దర్శకత్వంలో అయన హీరోగా నటించిన కాంచన 3 సినిమాలో హీరోయిన్ కే ఈ చేదు అనుభవం ఎదురైంది. కాంచన 3 లో లారెన్స్ కు జోడిగా వేదిక, నిక్కీ తంబోలి, ఓవియా లు హీరోయిన్స్ గా నటించారు. వీరితో పాటు ఫ్లాష్ బ్యాక్ ఎపిసోడ్ లో హీరోయిన్ గా నటించిన రష్యన్ బ్యూటీ రి డ్డావి అలెగ్జాన్డర్ కే ఈ లైంగిక వేధింపులు ఎదురయ్యాయి.

రి డ్డావి గత పదేళ్లుగా చేనైలోనే ఉంటూ పలు యాడ్స్ చేస్తూ అప్పుడప్పుడు సినిమాల్లో నటిస్తుంది. తాజాగా ఈమె లారెన్స్ సరసన కాంచన 3 లో నటించింది. ఇటీవలే ఈమె తనపై లైంగిక వేధింపులు జరిగినట్టు పోలీసులుకు పిర్యాదు చేసింది. తనతో పాటు యాడ్స్ లో నటిస్తున్న రుబెష్ కుమార్ తనను లైంగికంగా వేధిస్తున్నాడని, తన ఫొటోలతో బ్లాక్ మెయిల్ చేస్తున్నాడంటూ పిర్యాదులో పేర్కొంది. రి డ్డావి ఇచ్చిన ఫిర్యాదును స్వీకరించిన పోలీసులు అతడిపై కేసు నమోదు చేసారు. సైబర్ క్రైమ్ పోలీసులు కూడా ఈ కేసు విషయంలో విచారణ చేపట్టారు.

ఇప్పటికే రుబెష్ పై పలు కేసులు నమోదు చేసిన సైబర్ క్రైం పోలీసులు అతనిని విచారించేందుకు సిద్ధం అయ్యారు. లైంగిక వేధింపుల విషయంలో పోలీసులు ఎన్ని జాగ్రత్తలు చెప్పినా చెవిన పెట్టడం లేదు. అనవసర స్నేహాలతో పర్సనల్ ఫోటోలను సోషల్ మీడియాలో అప్లోడ్ చేయడం వల్ల ఇలాంటి అవకాశవాదులు క్యాష్ చేసుకునే అవకాశం ఉంది. ఇకనైనా జాగ్రత్తలు తీసుకుంటారని వాళ్ళు ఆశిస్తున్నారు.