Ravanasura Review: మాస్ మహారాజా రవితేజ నుండి వచ్చిన మరో ఆసక్తికర చిత్రం రావణాసుర. రవితేజ నెగటివ్ షేడ్స్ ఉన్న పాత్ర చేయడంతో ఈ చిత్రంపై ఆటోమేటిక్ గా మంచి అంచనాలు క్రియేట్ అయ్యాయి. సుధీర్ వర్మ డైరెక్ట్ చేసిన ఈ చిత్రం ప్రోమోలతో ఆకర్షించింది. మరి ఈ చిత్రం ఎలా ఉందో చూద్దామా.
కథ:
రవితేజ ఒక జూనియర్ లాయర్. సీనియర్ లాయర్ ఫారియా అబ్దుల్లా వద్ద పనిచేస్తుంటాడు. ఇదిలా ఉండగా మేఘా ఆకాష్ ఇచ్చిన ఒక కేసుతో కథ ఆసక్తికర మలుపు తిరుగుతుంది. ఒక మర్డర్ కేసులో సంపత్ రాజ్, మేఘా ఆకాష్ తండ్రి ముద్దాయిగా ఉంటాడు. దాని తర్వాత పలు భయంకరమైన, ఒళ్ళు గగుర్పొడిచే మర్డర్స్ జరుగుతూ ఉంటాయి.
ఎవరు ఈ మర్డర్స్ చేస్తోంది? ఇంత దారుణంగా ఎందుకు చేయాల్సి వచ్చింది? తర్వాత ఏం జరుగుతుంది అన్నది చిత్ర కథ.
నటీనటులు:
రవితేజ ఎప్పటిలానే తనదైన శైలిలో పాత్రను చేసుకుంటూ వెళ్ళిపోయాడు. ఫారియా అబ్దుల్లాతో రవితేజకు మంచి కామెడీ సీన్స్ పడ్డాయి. ఇక రవితేజ సినిమా అంతటా తన పెర్ఫార్మన్స్ తో ఆకట్టుకునే ప్రయత్నం చేసాడు. విభిన్నమైన షేడ్స్ ఉన్న రవితేజ పాత్ర కచ్చితంగా ఫ్యాన్స్ తో పాటు అభిమానులకు కూడా ఆసక్తికరంగా అనిపిస్తుంది.
సుశాంత్ మరో ఆసక్తికర పాత్ర చేసాడు. తను బాగానే చేసాడు కానీ ఆ పాత్రకు ఇచ్చిన బిల్డప్ తర్వాత ఉండదు. సంపత్ రాజ్, మేఘా ఆకాష్, ఫారియా అబ్దుల్లా, శ్రీరామ్, జయరాం, దక్ష నాగర్కర్, రావు రమేష్, ఇంకా తదితరులు కీలక పాత్రలు చేసారు. వాళ్లకు కథకు అనుగుణంగా వచ్చి వెళ్తారు.
సాంకేతిక నిపుణులు:
తనకు ఇచ్చిన కథను ది బెస్ట్ గా చూపించే ప్రయత్నం చేసాడు దర్శకుడు సుధీర్ వర్మ. ఫస్ట్ హాఫ్ వరకూ ఆసక్తికరంగా ఉండేలా డిజైన్ చేయడంలో పూర్తిగా సక్సెస్ అయ్యాడు కానీ సెకండ్ హాఫ్ పూర్తిగా దెబ్బకొట్టేసింది. సెకండ్ హాఫ్ లో సస్పెన్స్ ఫ్యాక్టర్ పూర్తిగా నీరుగారిపోయింది. స్క్రీన్ ప్లే కూడా అస్తవ్యస్తంగా తయారైంది. రవితేజ చేసే పనులను జస్టిఫై చేసే కారణాలు చాలా సిల్లీగా అనిపిస్తాయి. దాంతోనే ప్రేక్షకుడు డిస్కనెక్ట్ అవుతాడు. వీటికి తోడు కొన్ని మర్డర్ సీన్స్ ను మరింత భయంకరంగా, జుగుప్సాకరంగా చూపించారు. అంత అవసరం ఏముందో అర్ధం కాదు.
ఈ చిత్రానికి అందించిన బ్యాక్ గ్రౌండ్ స్కోర్ చిత్రానికి ప్రధాన ప్లస్ పాయింట్స్ లో ఒకటి. టెన్షన్ బిల్డ్ చేయడంలో బ్యాక్ గ్రౌండ్ స్కోర్ ఉపయోగపడింది. సినిమాటోగ్రఫీ కూడా చాలా బాగుంది. ప్రొడక్షన్ డిజైన్ కూడా ఓకే. ఎడిటింగ్ ఇంకా బెటర్ గా ఉండొచ్చు.
ప్లస్ పాయింట్స్;
- రవితేజ పెర్ఫార్మన్స్
- బ్యాక్ గ్రౌండ్ స్కోర్
మైనస్ పాయింట్స్;
- స్క్రీన్ ప్లే
- సరైన జస్టిఫికేషన్ ఇవ్వకపోవడం
- ఊహించదగ్గ సెకండ్ హాఫ్
చివరిగా:
అద్భుతమైన సైకో థ్రిల్లర్ అయ్యే లక్షణాలు ఉన్న రావణాసుర ఒక రొటీన్, యావరేజ్ సస్పెన్స్ థ్రిల్లర్ గా ముగుస్తుంది. ఫస్ట్ హాఫ్ మీద తీసుకున్న శ్రద్ధ సెకండ్ హాఫ్ మీద కూడా తీసుకునే ఉంటే బాగుండేది. మీరు రవితేజ ఫ్యాన్ అయితే ఒకసారి చూడవచ్చు.
754317 712963I truly appreciated this wonderful weblog. Make sure you maintain up the very good function. All of the best !!!! 87008
716715 147434I like this post, enjoyed this 1 thanks for posting . 694563