Rashmika: ప్రస్తుతం యావత్ భారత సినీ పరిశ్రమ ఆసక్తిగా ఎదురుచూస్తున్న సినిమా పుష్ప 2 (Pushpa 2). అల్లు అర్జున్ (Allu Arjun) హీరోగా సుకుమార్ (Sukumar) దర్శకత్వంలో తెరకెక్కిన పుష్ప సంచలన విజయం సాధించడంతో ఇప్పుడు సీక్వెల్ పై అందరి దృష్టి కేంద్రీకృతమై ఉంది. శ్రీవల్లిగా గా రష్మిక పాత్ర కూడా అందరినీ ఆకట్టుకుంది. సీక్వెల్లో తన పాత్రపై రష్మిక (Rashmika) ఓ ఇంటర్వ్యూలో మాట్లాడుతూ..
‘పుష్పలో శ్రీవల్లి పాత్ర గురించి మొదట నాకు తెలీదు. షూటింగ్లో ప్రతిసారీ ఓపెన్ గ్రౌండ్లోకి అడుగుపెట్టినట్టే ఉండేది. మెల్లమెల్లగా పాత్ర స్వభావం అర్ధమైంది. సినిమా విడుదలయ్యాక నా పాత్రకూ మంచి పేరు వచ్చింది. ఇప్పుడు సీక్వెల్ లో నా పాత్ర మరింత బలంగా.. బలమైన సన్నివేశాలతో ఉంటుంది. ఒక్కమాటలో చెప్పాలంటే శ్రీవల్లి 2.0 అని చెప్పొచ్చు. అంత గ్యారంటీగా చెప్పగలన’ని చెప్పుకొచ్చింది.
ఇటివలే బన్నీ పుట్టినరోజుకు విడుదలైన పుష్ప 2.0 టీజర్, రష్మిక లుక్ తో సినిమాపై విపరీతమైన బజ్ క్రియేట్ అయింది. వచ్చే ఆగష్టు 15న సినిమా విడుదలవుతోంది.